Uıymdastyrýshylardyń habarlaýynsha, halyqaralyq ozyq tájirıbelerdi esepke ala otyryp ázirlengen baǵdarlamanyń maqsaty – básekege qabiletti, eksportqa baǵyttalǵan jáne tehnologııalyq óńdeýshi ónerkásipterdi qurýǵa kómektesý.
«Kazakhstan Project Preparation Fund» tarapynan tehnıkalyq ekonomıkalyq negizdeme jasaý, Qazaqstannyń Damý Banki men «Damý» kásipkerlikti damytý qorynyń jeńildikpen qarjylandyrýdyń jáne paıyzdyq mólsherlemeni sýbsıdııalaý, sondaı-aq «Kazyna Capital Management»-tiń úlestik qarjylandyrýynyń quraldaryn paıdalanýy, sondaı-aq «KazakhExport» kompanııasynyń qoldaý sharalary syndy birqatar keshendi jumystar osy baǵdarlamanyń aıasynda júrgizilmek.
Baǵdarlamaǵa qatysý úshin kásiporyndar birqatar krıterıılerge jaýap berýi tıis. Onyń ishinde óńdeý ónerkásibine ótinim berý, shtatta 100-den astam adamnyń bolýy jáne 300000 AEK-tiń jyldyq kirisiniń, eksportqa baǵdarlanǵan baǵytynyń bolýy, naryqta keminde úsh jyl bolýy syndy talaptar bar.
Baǵdarlamanyń merzimi bes jyldy qamtýǵa tıis. Onyń ishinde úsh jyl - júzege asyrýǵa, eki jyl – monıtorıngke jumsalady. Baǵdarlamanyń sharttary men tolyq mátini, sondaı-aq tapsyrystyń úlgisi «Báıterek» holdınginiń resmı saıtynda jarııalanǵanyn aıta keteıik.
Arnur ASQAR
«Egemen Qazaqstan»
