Aýdandaǵy «Poltavskoe» JShS qyzmetkerlermen, Poltavka orta mektebiniń ujymymen jáne aýyl turǵyndarymen kezdesýde depýtattar Elbasy Joldaýyn talqylady.
«Poltavskoe» JShS eńbek ujymymen ótken is-shara ónim eksportynyń kólemin ulǵaıtý jáne agroónerkásiptik keshenniń áleýetin iske asyrý máselelerine arnaldy. Atalǵan kásiporyn sońǵy jyldary óńirdegi bıdaı egin jınaý kórsetkishteri boıynsha jáne et-sút ónimderin óndirý boıynsha aldyńǵy qatarda. Ol úshin kásiporynda zamanaýı agrarlyq tehnologııalar men sheteldik tájirıbeler qoldanylýda. О́z mindetterin júzege asyrý úshin basshylyq memleket tarapynan qoldaý alyp, osynyń nátıjesinde jyl saıyn óndiris kólemi artyp keledi. Máselen, 2018 jyly kásiporyn 675 mıllıon teńge somasyna ónim óndirgen.
Kezdesýde Májilis depýtaty Sapar Ahmetov eńbek ónimdiligin jáne aýyl sharýashylyǵyna qatysty qaıta óńdelgen ónimder eksportyn ulǵaıtý jáne «Bıznestiń jol kartasy» baǵdarlamasyn 2025 jylǵa deıin qoldanylý merzimin uzartýdyń nátıjeliligi týraly aıtty.
Muǵalimderdiń bedeli jáne bıýdjettik qyzmetkerlerdiń jalaqysyn kóterý týraly májilismender Poltavka orta mektebiniń ujymymen kezdesýde kóterdi.
- Sońǵy jyldary bilim berý salasynda IT-bilimdi qalyptastyrýǵa, qazaq jáne aǵylshyn tilderin damytýǵa erekshe nazar aýdarylýda. Degenmen, orta bilim berý sapasynyń artýy muǵalimderge baılanysty. Sondyqtan, Prezıdent «Muǵalimderdiń mártebesi týraly» Zańdy ázirleýdi usyndy. Pedagogtar tikeleı oqý prosesimen aınalysý kerek. Osyǵan sáıkes, kelesi jyldyń qańtarynan bastap bıýdjettik qyzmetkerlerdiń jalaqysy 35 paıyzǵa ulǵaıtylmaq, - dedi Májilis depýtaty Berik Ospanov.
Májilismender atap ótkendeı, barlyq bilim berý júıesinde ózgerister bolady. Barlyq oqý oryndary bilim prosesinde Nazarbaev Zııatkerlik Mektepteri jáne Nazarbayev University oqytý standartyna súıenip, mektepter jáne balabaqshalar beınebaqylaýmen jabdyqtalmaq.
