Janarmaı arzandady, taksı qymbattady

Oǵan sebep – Oral men aýdan ortalyǵyna qatynaıtyn taksı baǵasynyń 2500 teńgeden 3000-ǵa kóterilýi. Ánsheıinde jal­aqy men janar-jaǵarmaı óse qal­sa, baǵasyn ósire qoıatyn taksı qyz­meti naryqta ózgeris bo­­la tura, tarıfterin túsirmeı, kerisinshe kóterip jatqany tur­ǵyn­dar arasynda narazylyq tý­ǵy­zý­da. Osy máseleniń mán-ja­ıyn saraptap kórýdi jón sanadyq.

Búginde Qaztalov – Oral ara­ly­ǵyna qatynaıtyn jeke taksı­lerdiń quny 3000 teńge, al Jalpaqtal – Oral arasy 2500 teńge. Bul baǵany olarǵa eshkim shegelep bekitip bergen joq, árıne. Bul taksı júrgizýshileri ózara kelisip alǵan ortaq baǵa. Al osy eki araǵa qatynaıtyn av­to­býs­tyń bılet quny 1350-1500 teńge. Degenmen, Qaztalov baǵy­tyndaǵy 20 oryndyq avtobýstyń sońǵy kezderi júrýinen turýy kóbeıip ketti. Tipti bir aıǵa jýyq múldem júrmeı qalǵany da bar. Sondaı-aq bul avtobýs­tar turǵyndardy tolyq qamtı al­maı­dy. Bıletti ertemen baryp al­masańyz qur qalatynyńyz taǵy bar. Talaı márte ózimiz osy jaǵ­daıdy basymyzdan ótki­zip júrmiz. Amal joq taksı qyz­metine júginýińizge týra keledi.

Osyndaı taksı qyzmetin jıi paıdalanatyn aýyl turǵyndary­nyń biri – Nurlan Qusaıynov:

– Taksı baǵasynyń bulaı ósýi negizsiz dep sanaımyn. Jyldan-jylǵa oblys ortalyǵynan tar­tyl­ǵan tas jol jaqyndap keledi. Aýdan ortalyǵyna 30 shaqyrym jetpeı tur. Taksı qyzmetinde júrgenderdiń ishinde kólikteri kógildir otynmen júretinderi de bar. Jaǵarmaı quny tómendegeni taǵy bar. Sonda olar osyny es­ker­meı me? Atqarýshy organdar bul jaǵdaıdy rettese eken deı­min, – degen pikir bildirdi.

Osy máselege tikeleı qatysy bar aýdandyq turǵyn úı-kom­mýnal­dyq sharýashylyq, jolaý­shylar jol kóligi jáne avtomobılder joly bólimine bas suǵyp, jón suradyq. Bólim basshysy Nurjan Islıamov:

– Jaqynda oblys ortalyǵy men aýdan ortalyǵyna qatynaı­tyn avtobýs jóndeýge turyp qal­­­ǵanyn paıdalanǵan taksı qyz­me­­tin­degiler jolaqyny kóterip jiberdi. Bul olardyń jeke sheshi­mi. Bizben aqyldasqan esh­kim joq. Odan bólek, taksı qyz­metine arnaıy patent almaı júr­gen­deri de birshama. Iаǵnı, jolaý­shy tasýǵa eshbir ruqsaty joq, biraq ondaı kólikterge turǵyndar oı­lanbastan minip jatyr. Osy jaǵ­daılardy retteý úshin «Nur Otan» partııasy, jol polısııasy qyzmetkerleri jáne qoǵamdyq keńes múshelerimen birge reıdterge shyǵýdy josparlap otyrmyz. Osy jumystarmen qatar aýdan ortalyǵynda avtoturaqtar jasaqtaýdy qolǵa alyp jatyrmyz, – degen jaýabyn berdi.

Árıne joǵaryda kórsetil­gen jáne berilgen pikirlerdi eskersek, taksı qyzmetindegilerdiń jolaqyny kóterýleri jónsiz sııaqty. Burynǵydaı Chapaıǵa deıin shoqalaq, jaısyz joldyń asfalt jolmen jabdyqtalyp jatqanyn da alǵa tartýǵa bolady. Degenmen, taksı qyzmetinde júrip, napaqa taýyp júrgen aza­mat­tardyń da pikirine de qulaq astyq. Jolaýshy tasymalymen aınalysyp júrgen aýyl turǵyny Mergen Malahov:

– Aýdan ortalyǵynda arnaıy ruqsaty bar, «Alıpkalıev» jeke kásipkerligi arqyly tirkelgen 23 taksı oblys ortalyǵyna qaty­nap jumys jasaýda. Olar­dyń 3-i Birik aýyldyq okrýgi­nen, 2-i Bostandyqtan. Al aýdan or­taly­ǵyndaǵy 18-diń qazir­gi kúnde 12-si jolaýshy tasy­ma­lymen aınaly­sýda. Qalǵan­dary ártúrli sebeptermen ázirge júrmeı jatyr. Men de osy Berik Alıpkalıev bas­qara­tyn «Alıpkalıev» jeke kásip­ker­ligi arqyly jolaýshy tasy­maly­men aınalysamyn. Jolaý­shy tasymalyna qajet­ti bar­lyq qujattarymyz bar. Taksı qyz­metiniń jolaqyny kóterý má­selesine kelsek, biz ót­ken jyldyń 21 aqpanynda ózara kelisý arqyly Qaztalov-Oral baǵytyndaǵy jolaqyny 2500-nan 3000 teńgege kóterdik. Budan keıin bıylǵy jyly jaz aılarynda balalar men stý­dent­terdiń aýyl men qalaǵa qa­ty­naýyna jeńildik retinde qaı­­ta­dan 2500 teńgege túsirgen bo­la­­tyn­byz. Al qazir azyq-túlik, kıim, qurylys materıalda­ry kúnnen-kúnge qymbattap jatyr. Kólikke qajetti avto­ból­shek­ter de sharyqtap ketti. Biz de tak­sı qyzmetinde erikken­nen júr­geni­miz joq qoı. Otba­sy­myz­dy asy­raý úshin jumys jasaımyz. Sol sebepten jolaqysyn 3000 teńgege qaıtadan kóterdik. Bizden basqa ruqsatsyz taksı qyz­meti­men aınalysatyndar kóp. Olardy qatarymyzǵa tartýǵa árekettenip kelemiz. Aýyl turǵyn­dary­nyń ishinde az qamtylǵan otbasy­lar­dan jol­aqysyn almaımyz. Kóp­ba­laly otbasylarǵa oblys or­ta­lyǵynan azyq-túlik te áke­lip berip jatamyz. Kópshilik bizdi durys túsinse deımin, – degen ýájin bildirdi.

Iá, jolaýshy tasymalymen aı­na­lysatyn taksı júrgizý­shi­ler­diń kópshiligi jumyssyz júrg­en­der. Otbasyn asyraý úshin temir tulpar tizgindep, tabys tabýdy kózdegender. Árkimniń kún kóris qam­y úshin eńbek etkeni du­rys. Bir­den taksı qyzmetinde júr­gen aza­mattardy kinálaýdan aýlaq­pyz. Deı turǵanmen, olar­dyń qa­ra­pa­ıym halyqtyń qal­ta­syna tym qatty salmaq sala berýge bol­­maı­tynyn eskergeni abzal. Má­se­le oń sheshim tabatynyna senimimiz mol.

Qaırat JAQYP,

Batys Qazaqstan oblysy, Qaztalov aýdany