Máselege mán berilse

Búgin sol bozdaqtardyń dú­nıe­ge kelgen jyldary men týǵan jerleri, turǵan mekenderi, qashan qamaýǵa alynǵany, sottalǵan kún­­deri men olardy kimniń sot­taǵany, qandaı bappen sot­talǵany, atyl­­­ǵan jáne aqtalǵan kún­deri men arhıvtik nómiri kór­setilgen tizim­di jarııalap otyrmyz.

 Bul tizimde kórsetilgen re­pres­sııa qurbandarynyń urpaq­tary men týǵan-týystary olar tý­raly osy kúnge deıin esh ha­barsyz bolýlary múmkin. Eger olardyń izdeýshileri taby­la qalsa, osy málimetterge súıenip Maga­dan­daǵy aqparattyq ortalyqqa su­raý sala alady. О́ıtkeni Aldııar Áýbákirovtiń aıtýynsha,atalǵan or­talyq ondaǵy qujattarmen ju­mys isteýge qýǵyn-súrginge ushy­­raǵan adamdardyń týystary­na ǵana ruqsat etedi eken. Osy orta­lyqtyń mamandarynyń má­li­meti boıynsha, ótken ǵasyr­dyń toq­sanynshy jyldary qý­ǵyn-súr­ginge ushyraǵandardy jap­paı aqtaý júrgizilgen kezde elý myń­daı adamnyń isteri qaral­maı qalypty. Onyń ishinde eki myń­daı qazaq azamaty bar.

Bul isterdiń tizimin alyp, ul­­­­­tymyzdyń joqtaýsyz ketken per­­zentteriniń bárin resmı túrde aq­tap, olardyń urpaqtaryna jet­kizý quqyqtyq, moraldyq-ımandylyq qajettilik jáne kezek kúttirmeıtin másele eke­ni aıdan anyq. Ony sheshýge Al­dııar Áýbákirov sııaqty azamat­tardyń bir óziniń ǵana shamasy kelmeıtini belgili. Ony tek mem­lekettik deńgeıde sheshýge bolady. Sondyqtan osy máselede Qa­zaqstannyń azattyǵy men táýelsizdigi úshin kúreste zardap­ shekken adamdardy aqtaý já­­ne máńgi este qaldyrý jónin­degi «Qaharmandar» respýb­lıkalyq qoǵamdyq qory bas­tama­shylyq etip, tıisti mem­­le­ket­tik organdarǵa naq­ty usy­­nys jasap, olarmen birge kerekti uıymdastyrý-izdes­tirý jumystaryn júrgizip, máıit­teri ıtjekkende qalǵan boz­­daqtarymyzdy túgeldeı anyq­­­­tap, Magadan qalasynda olar­ǵa ar­nap eskertkish ornatyp, olar­dyń esimderin qaıtadan jań­­ǵyrtady degen oıdamyz. Bul iste elimizdiń Parlamentiniń de­pý­tattary, saıası partııa­la­ry,­ halqymyzdyń ótkeni men ke­leshegine nemquraıdy qara­maıtyn azamattar tys qalmaıdy degen senimdemiz.

 Erjan ISAQULOV