Dıalog alańdarynda úkimettik emes uıymdardyń áleýeti durys paıdalanylmaıtyny atap kórsetildi.
«Úkimettik emes uıymdardyń tájirıbeleri jetkilikti. Jańashyldyq baǵyttaǵy qadamdary quptarlyq. Biraq atqarylǵan sharalar áli jetkiliksiz. Túpki nátıje, tıimdilik jaǵy qýanta qoımaıdy», dedi páter ıeleri kooperatıvi aımaqtyq qaýymdastyǵynyń tóraǵasy Sergeı Hýdıakov.
Qazaqstannyń azamattyq alıansynyń vıse-prezıdenti Musaǵalı Dýambekovtyń pikirinshe, «Aýyl–el besigi» jobasy shalǵaı eldi meken turǵyndaryn jumyspen qamtýǵa baǵyttalýy kerek. Teriskeıde júzden astam úkimettik emes uıymdar tirkelgenimen, tórtten biri ǵana belsendi jumys isteıdi. Qazaqstannyń Azamattyq Alıansy–úlken kúsh. Oǵan búginde jarty myńǵa jýyq birlestik múshe.
Soltústik Qazaqstan azamattyq alıansy assosıasııasynyń tóraıymy Sáýle Súleımenova jıynda shekaralas aımaqta ornalasqan eldi mekenderdiń ózekti máselelerin kóterdi. Jastar arasynda Reseı Federasııasy men ózge de jaqyn shetelderge oqýǵa, jumysqa ketýshiler qatary kóp. Bul rette birlestikter memlekettik organdarmen birlese otyryp, naqty jumystar atqarýy tıis.
Bıyl úkimettik emes uıymdardyń jumysyn jandandyrýǵa el qazynasynan 20 mıllıard teńge qarajat bólinip otyr.
О́mir ESQALI,
«Egemen Qazaqstan»
Soltústik Qazaqstan oblysy
