Venesııalyqtar úshin sý deńgeıiniń kóterilgeni qalypty jaǵdaı bolǵanyna qaramastan, bul sý tasqyny sońǵy birneshe jyl ishinde eń kúshtisi sanalady.
Qalalyq bılikke turǵyndar úshin kóliktiń negizgi túri bolyp tabylatyn sý avtobýstary - vaporettonyń qozǵalysyn toqtatýǵa týra keldi.
Qolaısyz aýa raıy jeksenbi kúni Italııanyń kóptegen aýdandaryna jetip, qaýiptiliktiń «qyzyl» (eń joǵary) deńgeıi eldiń soltústigindegi birneshe oblystarda jarııalandy.
RIA-nyń habarlaýynsha, nóser jańbyr, kúshti jel dúısenbi kúni Ortalyq jáne ońtústik Italııanyń kóptegen qalalarynda tirkeldi. Rımde qatty jeldiń áserinen ondaǵan iri aǵashtar tamyrymen úzilip, synǵan, qýanyshqa qaraı astanalyq turǵyndardyń eshqaısysy zardap shekken joq. Frozınon provınsııasynda bıik aǵash jeńil avtokólikke qulap, salondaǵy eki er adam qaza tapty. Taǵy bir adam – 21 jasar jigit Neapolde aǵash qulaǵanda mert boldy. Kroton provınsııasynda kóshkin saldarynan jóndeý jumystarymen aınalysyp júrgen tórt adam kóz jumdy.
