Meteorologtardyń málimdeýinshe, sońǵy ret mundaı erte qys Ispanııada 10 jyl buryn bolǵan. Aýa raıynyń kúrt ózgerýi qala qyzmetiniń biraz jumysyn toqtatty. Avtojoldar jabylyp,temirjol qatynasy toqtatyldy. Ispanııanyń soltústigi men Balear araldarynda 53 myńǵa jýyq adam elektr jaryǵynsyz qaldy.Astýrııanyń keıbir mektepterinde sabaqtar toqtatyldy. Jergilikti turǵyndar qys mezgiline áli daıyn emes edik deıdi.
Pıreneıge serýendeýge shyqqan 57 jastaǵy er adam men 43 jastaǵy áıel adam adasyp ketken. Degenmen olardy qutqarý toby dereý tapty. Al dúısenbide Galısııada sporttyq balyq aýlaý kezinde joǵalyp ketken er adam áli izdestirilip jatyr. Aldyn ala boljam boıynsha, balyqshy sýǵa qulap ketýi múmkin.
Aýa raıy qolaısyzdyǵynan Ispanııanyń 29 eldi mekeninde qaýiptiliktiń joǵary deńgeıi jarııalandy.
