Joba qalanyń úsh kóshesin-Baımuhanov, Vladımırskıı jáne Taımanov kóshelerin qaıta jańǵyrtý jáne keńeıtý jumystarynan turady. Sondaı-aq merdiger uıym "Atyraýınjstroı" JShS- nyń aldynda jol jıekterin ornatý, jaıaý júrginshiler joly men drenaj naýalaryn salý, sýarý qubyrlaryn júrgizý, turaqtar jáne oń jaq baǵyttaǵy ótetin joldar salý, aıaldama pavılondaryn ornatý, kóshe jaryǵyn aýystyrý men jol belgilerin salý mindetteri turdy. Kóshelerdi rekonstrýksııalaý jáne keńeıtý jumystary 6 aı boıy - səýirden qazan aıynyń sońyna deıin júrgizildi.
Jóndelgen joldyń jalpy uzyndyǵy: Taımanov kóshesi 2340 m, Vladımırskıı kóshesi - 2646 m, Baımuhanov kóshesi - 3430 m.
-Jobany iske asyrý joldarda avtomobıl qozǵalysynyń qarqyndy ósýimen, sondaı-aq kólik quraldary sanynyń ulǵaıýynan týyndady. Únemi kólik keptelisi bolatyn jáne qozǵalys kezinde qolaısyzdyqtar týyndaıtyn kóshelerdegi qozǵalysty jeńildetý úshin jolaqtardy ulǵaıtý júrgizildi,- dedi Atyraý qalasy əkiminiń orynbasary Nurlan Taýbaev. Atap aıtqanda, Vladımırskıı kóshesi 2 jolaqtan 4 jolaqqa deıin ulǵaıtyldy, búginde júrginshiler bóliginiń eni joba boıynsha 7 m, 10,5 m jáne 14 m.
Baımuhanov kóshesi boıynsha joldyń keıbir ýchaskeleri 2-den 3 jáne 4 jolaqqa deıin ulǵaıtyldy, keńeıtýden keıin kósheniń ótetin bóliginiń eni 7 metrden 14 metrge deıin, keı jerlerde 16 metrge deıin ósti.
Taımanov kóshesi boıynsha 2, 3, 4 jolaqty ýchaskeler bar, sonymen qatar bólý jolaǵy bar 6 jolaqtan turatyn ýchaske de bar- bir baǵytqa qaraı 3 bir baǵyttaǵy jolaqtar jáne ekinshi baǵytqa da 3 jolaqty joldar salyndy. Jolaqtardyń eni - 7 m, 10,5 m jáne 14 m.
- Jol qurylysy kezinde jergilikti asfaltbeton zaýyty óndirgen, óziniń tózimdiligin kórsetken asfaltbeton qospasy paıdalanyldy,- dep naqtylap ótti Nurlan Taýbaev. Joba aıasynda burynǵy drenaj naýalary saqtalyp, jańalary salynǵanyn aıta keteıik. Jaýyn-shashyn sýy men erigen sýdyń aǵyp ketýi úshin joldardy boılaı jıyrma tekshe metr jerasty syıymdylyǵy ornatyldy: Baımuhanov kóshesinde- 4, Taımanov kóshesinde 2 syıymdylyq ornatyldy. Sondaı-aq jóndelgen kóshelerdiń boıynda jańa turaq alańdary salyndy: Baımuhanov kóshesi boıynda -155 oryndyq 12 turaq, Vladımırskıı kóshesi boıynda - 109 oryndyq 18 turaq, Taımanov kóshesi boıynda 89 oryndyq 10 turaq.
Avtomobıl júrgizýshilerge qolaıly bolýy úshin 11 oń jaq baǵyttaǵy ótetin joldar salyndy: Vladımırskıı kóshesi men Qurmanǵazy kóshesiniń qıylysynda - 4, Vladımırskıı - Ǵumarov kósheleriniń qıylysynda - 4, Vladımırskıı kóshesi men Sətpaev dańǵylynyń qıylysynda - 1, Taımanov kóshesi men Sətpaev dańǵylynyń qıylysynda-1, Vladımırskıı-Ernııazov kósheleriniń qıylysynda - 1 ótpeli jol salyndy. Sonymen qatar joba aıasynda joǵaryda atalǵan úsh kóshede avtomobıl joldaryn belgileý júrgizildi, 23 aıaldama pavılondaryn ornatý jáne kóshe jaryǵyn aýystyrý jalǵasýda.
