Robotehnıka mektebi Elbasynyń «Sıfrly Qazaqstan» baǵdarlamasy aıasynda jasóspirimderdiń sıfrlyq saýatyn arttyrý maqsatynda jas jetkinshekterge baǵyttalǵan biregeı alań, degen pikirde joba jetekshileri. Aıta ketken jón, mekteptiń saltanatty ashylý rásimine jalpy sany 60-tan asa búldirshin alǵashqy synaq sabaqtaryna qatysyp, IT salasynyń túrli baǵytynan óz múmkindikteri men bilim kókjıekterin keńeıtýge múmkindik aldy.
- Bizdiń maqsatymyz – 7 men 17 jas aralyǵyndaǵy mektep oqýshylaryn jastaıynan kompıýterlik bilim alýǵa, oıyn ushqyrlap, logıkasyn shyńdaýǵa óz úlesimizdi qosý. Mektep baǵdarmasy jan-jaqty, munda: robototehnıka, kompıýterlik baǵdarlamalaý, anımasııa, 3D modeldeý, raketamodeldeý, kodtaý, logıka, óz betinshe oıyn qurastyrý syndy túrli baǵyttarda bilim beriledi. Ásirese, qazaq mektepterindegi balalarǵa zor kóńil bólip, oqý baǵdarlamasyn qazaq tilinde júrgizýge ıkemdedik. Mektepten jan-jaqty aqparat alǵan tálimgerler, mektep bitirýshi jasqa jetkende, bolashaqta qandaı mamandyq ıesi bolýyn óz betinshe tańdap, jańa tehnologııalardy tolyqqandy meńgerip shyǵady. Al, zamanaýı tehnologııalardy meńgergen urpaq kóshten qalmaı, elimizdiń kórkeıýine úles qosary sózsiz. Elimizdi kórkeıtip, 30 damyǵan memlekettiń qataryna qosatyn negizgi kúshimiz – bilimdi urpaq, - degen pikirde joba jetekshisi Mıras Dolaev.
Jobanyń avtorlary jas jetkinshekterge tek ǵana jańa tehnologııalardy úıretip qoımaı, úzdik tálimgerlerdi respýblıkalyq jáne halyqaralyq jarystarǵa qatystyrýdy kózdep otyr. Al, jetkinshekterdi baıqaýlarǵa baptaıtyn SDÝ ýnıversıtetiniń Injenerlik jáne jaratylystaný fakýltetiniń beldi ustazdary men túlekteri.
