Kún tártibine partııanyń baǵdarlamalyq platformasyn júzege asyrýda bastaýysh uıymdardyń rólin nyǵaıtý, jastar saıasatyn odan ári jetildirý máseleleri usynylyp, birqatar mindetter belgilendi.
Fılıal tóraǵasynyń birinshi orynbasary Artýr Moldaǵulov «Nurly jol», «Nurly jer», basqa da aýqymdy jobalar men áleýmettik bastamalardy oryndaýda 40 myńǵa jýyq teriskeılikti biriktiretin partııa músheleri men bastaýysh uıymdardyń belsendiligine, uıymdastyrý sharalaryna toqtaldy. Jyl basynan beri jeti myńǵa jýyq aryz-shaǵym qaralyp, úshten biri sheshimin tapqan. Túrli reıdter men qoǵamdyq qabyldaýlar barysynda anyqtalǵan kemshilikterden naqty qorytyndy shyǵarylyp, halyq tabysynyń ósýi,turmys sapasyn arttyrý jaılaryna erekshe mán berilgen. Balalardyń sandyq tehnologııalardy meńgerýge baýlıtyn 11 IT synyp jumys isteıdi. «Jas Otan» jastar qanaty 10 myńnan astam bozbala men boıjetkendi biriktiredi. «English for zhastar» jobasy aýyldyq jerlerde de júzege asyryla bastady. Rýhanı jańǵyrý, salamatty ult, ınnovasııa, sıfrly Qazaqstan, bilim, ǵylym salalary boıynsha da birqydyrý ister atqarylǵan.
Ilıa Terenchenko óz sózinde aımaqta qurylys keńinen qanat jaıǵanyn, 136 mıllıard teńge ınvestısııa quıylǵanyn oń nyshan retinde baǵalap, partııalyq baqylaýdy kúsheıtýdi, Joldaý mindetterin jurtshylyqqa keńinen túsindirýdi qajettigin atap ótti.
Oblystyq saıası uıym jetekshisi Q. Aqsaqalov 2016 jyly qabyldanǵan partııanyń saılaýaldy baǵdarlamasynda belgilengen sheshimderdiń oryndalýyna ekpin túsirip, birqatar mindetter júktedi. Memleket saıasatyn shaǵyn ujymdar men shalǵaı aýyldarǵa deıin jetkizý basty baǵdar bolýy tıis, dedi.
О́mir ESQALI,
«Egemen Qazaqstan»
Soltústik Qazaqstan oblysy
