Almatydaǵy «Arman» kınoteatrynda Túrkııa Respýblıkasy Mádenıet jáne Týrızm mınıstrliginiń jáne Túrkııa Respýblıkasynyń Almatydaǵy Bas konsýldyǵynyń qoldaýymen Ulttyq oı-pikir qaýymdastyǵynyń uıymdastyrýymen «4-shi Túrik Fılmderi Aptalyǵynyń» ashylý saltanaty ótti.
Túrik fılmderiniń aptalyǵy Murat Shekerdiń «Bizdiń mereke» fılmimen ashylyp, kórermenderdiń zor yqylasyna bólendi.
Túrik fılmderiniń jankúıerleri Túrkııadan kelgen Prezıdent bas keńesshisi jáne Ulttyq oı-pikir qaýymdastyǵynyń qurmetti tóraǵasy Iаlchyn Topchý, Aq partııa depýtaty jáne Ulttyq oı-pikir qaýymdastyǵynyń tóraǵasy Metın Gıýndogdý, Prezıdent apparatynyń mamany Fatıh Topaktash, sondaı-aq «Ertýgrýl. Qaıta tirilý» serııasynyń aktıorlary Sezgın Erdemır, Dıdem Balchyn, Beshıktash mádenı ortalyǵynyń (BKM) fılm úılestirýshisi Fyrat Sezgın, Kınematografısterdiń kásibı qaýymdastyǵy (FİYAP) Bas hatshysy Ahmet Edebalı jáne Túrik Fılmderi Aptalyǵynyń bas úılestirýshisi Oner Kylychpen kezdesip, shaǵyn suhbattarmen almasty.
Bir aptaǵa sozylatyn mádenı sharada «Bizdiń mereke», «Ashty, Tátti, Qyshqyl», «Tumar jáne Mahabbat Qupııasy», «Somýndjý Baba» fılmderi «Arman» kınoteatrynda tegin kórsetiletin bolady. Sondaı-aq, fılm keıipkerlerimen rejısserler jáne prodıýsserler men qazaq kıno ártisteri arasynda kezdesýler, suhbattar josparlanyp otyr.
Elvıra Serikqyzy,
«Egemen Qazaqstan»
ALMATY
