Ál-aýqattyń ósýi – turaqtylyq kepili

Elbasy N.Á.Nazarbaevtyń bıylǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» taqyrybyndaǵy Joldaýy «Tórtinshi ónerkásiptik revolıýsııa jaǵdaıyndaǵy damý­dyń jańa múmkindikteri», «Qa­zaqstannyń úshinshi jańǵy­rýy: jahandyq básekege qabi­let­tilik» Joldaýlarymen qatar «Bolashaqqa baǵdar: rýhanı jańǵyrý» maqalasynyń jal­ǵasy ispetti. Bıylǵy Joldaý jurtshylyq tarapynan keń qoldaýǵa ıe bolyp, kóptegen jaqsy pikirler aıtylýda. Jol­daýda aıtylǵan mindetter men maqsattar halyqtyń ál-aýqa­tyn arttyryp, kóptegen áleý­mettik máselelerdiń sheshilýine yqpal eteri sózsiz.

Daǵdarys jyldarynda álem­niń kóptegen órkenıetti ozyq elderi óz halqyn áleý­met­tik qoldaýdan shektep qoıǵan tusta, Memleket bas­shy­synyń tapsyrmalaryna sáıkes ár jyldardaǵy álem­dik qarjylyq daǵdarys jaǵdaı­laryna qaramastan Qazaq­standa bıýdjettik sala qyz­metkerleriniń eńbekaqylaryn, jalpylaı alǵanda halyqtyń áleýmettik áljýaz toptaryna beriletin zeınetaqy men tólemder arttyrylyp otyrdy. 

Memleket basshysy bıyl eń tómengi jalaqynyń mólshe­rin 1,5 esege arttyrýdy tapsyrdy. Bul arqyly 2019 jyl­­­dyń 1 qańtarynan bas­tap ja­laqysy tómen 1,3 mıllıon qa­zaq­standyqtyń kirisi ósedi. Arhıv qyzmetkerleri de ja­ǵymdy jańalyqqa bek qýa­nysh­ty. Bul óz kezeginde osy salaǵa qyzyǵýshylyǵy bar ma­mandardy yntalandyrady. Sebebi, áleýmettik sala qyz­metkerleri arasynda eń tó­men­gi jalaqy alatyn – arhıv salasynyń qyzmetkerleri eke­nin aıta keteıik. Biraq ja­laqy az dep sala mamandary eshqashan qol qýsyryp otyrǵan joq. «Ortalyq memlekettik kıno-fotoqujattar men dybys jazbalary arhıvi» RMM-nde qazirgi tańda 27 maman qyzmet atqarady. Onyń 20-sy joǵary bilimdi, bilikti mamandar. Olar kıno tarıhyn, án ónerin, má­denıet pen salt-dástúrlerdi zertteý úshin qazaqstandyqtarǵa qundy qujattardyń qoljetimdi bolýyna jaǵdaı jasap keledi. Negizi, Prezıdenttiń qaı jylǵy Joldaýyn alsaq ta, halyqtyń turmysyn jaq­sar­typ, el ekonomıkasyn kóte­rýmen qatar, jastardyń ju­mys­pen qamtylýyna basa nazar aýdaratynyn kóremiz. Bilimdi jastardy jumyspen qamtý bo­ıynsha arhıvimiz qalys qalyp otyrǵan joq. Bıyldyń ózinde arhıvimizge 5 birdeı jas maman jumysqa ornalasty. 

Joldaýda Elbasy Ulttyq jańǵyrý komıtetin qurýdy tap­syrdy. Ulttyq jańǵyrý – rý­hanı jańǵyrýmen bite qaına­syp jatyr desek, Mem­leket basshysy atap kórsetken baǵyt-baǵdarlardyń arasyn­da qazaqstandyqtar jańa­lyqtarǵa zerek bolyp, ja­han­dyq úderisterge ilesý ar­qy­ly basqa elderdiń ozyq je­tis­tikterin boıǵa sińirýge da­ıyn bolýlary qajet ekeni aıt­pasa da túsinikti. Sondaı-aq halyqtyń tarıhı jady men rýhanı qundylyqtary Qazaqstannyń búgingi tańdaǵy ózekti máselelerin sheshýge kómektesetin faktor. Adamdy tili, dini, dili, mádenıeti, salt-dástúrleri arqyly ǵana tárbıe­leýge bolady. Bul qundylyqtar arhıv salasymen tyǵyz baılanysty. Adam tarıhtyń tamyryn arhıvten izdep tabady. О́z jerin, elin tanyp-bilgen, rýhanı qundylyqtarmen sý­syndaǵan, ony boıyna sińirgen azamattar ǵana naǵyz otanshyl patrıot bolmaq.

Qazirgi tańda bárimizdiń aldymyzda turǵan eń basty mindet – Prezıdenttiń Joldaýyn ha­lyqqa túsindirý jáne onyń jú­zege asyrylý barysyna qo­ǵam­dyq turǵyda atsalysý. El­basy júktegen mindetterdi aby­roımen atqarýymyz kerek. Bıyl­ǵy Joldaý barsha qazaq­standyqtardyń jaǵda­ıyn jaqsartyp, ál-aýqatyn art­tyrýǵa baǵyttalǵan áleý­mettik ózgeristerdiń keshendi baǵdarlamasy desek te bol­ǵan­daı. Eń bastysy, elge birlik pen yntymaq kerek. Elbasy aıt­qandaı, birlesken kúsh-jige­ri­mizdiń arqasynda ǵana biz uly asýlardy baǵyndyra alamyz!

Tasqyn Toıbaev,

«Ortalyq memlekettik kıno-fotoqujattar men dybys jazbalar arhıvi» RMM dırektory