Forýmdy QR Aqparat jáne kommýnıkasııalar mınıstri Dáýren Abaev ashty. Alǵy sózinde mınıstr:
«Forýmǵa 2500 myńnan astam qatysýshy kelip otyr. Sondaı-aq, álemniń aldyńǵy qatarly kompanııalary men uıymdarynyń 200 jetekshisi, myńdaǵan ınvestor men túrli startap joba avtorlary bar. Osylaısha alǵa qoıǵan maqsatymyzdyń júzege asýyna dańǵyl jol ashyldy. О́ıtkeni jobanyń basty ıdeıasy – tyń ıdeıalardan qýat alyp ózara tájirıbe almasý, Azııa men Eýropa tehnologııalyq ortalyqtarynyń arasynda altyn kópir bolý», - dedi.
Sonymen qatar, Aqparat jáne kommýnıkasııalar mınıstri Qazaqstanda júzege asyrylyp otyrǵan ınnovasııalyq tehnologııalar týraly aıtty.
«Elimizde ózderińiz kórip otyrǵandaı búgin ınnovasııalyq júıeler iske qosylýda. Erteń Prezıdent halyqaralyq Astana tehnoparkin ashylýyn málimdeıdi jáne bul qazirgi zamandaǵy Qazaqstannyń tehnologııalyq damýyndaǵy jańa kúnge aınalmaq. Biz Uly Jibek jolynyń muragerleri retinde Azııa men Eýropa arasynda sıfrlyq kópir bolǵymyz keledi. Qatysqandaryńyz úshin taǵy da alǵysymdy aıtamyn. Tabysty jumys pen qyzyqty talqylaý tileımin», - dep sózin túıindedi.
Forýmǵa halyqaralyq IT-qoǵamdastyǵynyń neigzi ókilderi, tehnologııasalasyndaǵy tanylǵan sarapshylar, kásiporyn basshylary, tehnologııalyqkásipkerler, basqa da elderdiń memlekettik sektorlarynyń ókilderi, ǵalymdar, sıfrlyq ázirlemeler salasynyń kásipqoılary, sonymen qatar venchýrlyq kapıtalıster men ınvestorlar qatysýda.
Digital Bridge alańynda 50-den asa qazaqstandyq jáne halyqaralyq spıkerler shaqyrtylǵan, olardyń ishinde: Startup Genome bas dırektory Jan-Fransýa Gote; CEO Hyperloop Transportation Dırk Alborn; Startap akademııasynyń mentory jáne keńesshi, startap taqyryby boıynsha satylymǵa eń kóp shyqqan kitaptyń avtory Bob Dorf; Galaktıka jeke menshik ǵarysh kompanııasynyń negizin qalaýshy jáne ıesi Alııa Prokofeva; Priceline Group qosa negizin qalaýshy Djeff Hoffman; venchýrlyq kapıtaldyń halyqaralyq fırmasy Global Catalyst Partners tóraǵasy jáne teń merdigeri Kamran Elahıan bar.
Forým aıasynda sıfrlandyrý salasyndaǵy eń alǵashqy Digital Bridge Awards júldesi men Astana Hub Battle jeńimpazdarynyń marapattaýy ótedi.
Svetlana KÝJAKÝLOVA,
«Egemen Qazaqstan»
