Áıelder arasynda 48 kılo salmaqta Olımpııa oıyndary men álem chempıonattarynda júlde alǵan Otgonseseg Galbadrahqa úlken úmit artqan edik. Biraq ol senimdi aqtamady. Alǵashqy aınalymda bos bolǵan Otgonseseg kelesi kezdesýinde ázirbaıjandyq Aısha Gýrbanlıge ese jiberdi. Dál osy salmaqta beldesken Saltanat Sultanbekova tusaýkeser básekede ıspanııalyq Mıreıa Lapýrettaǵa jol berdi.
Erler saıysynda 60 kılo salmaqta kúresken Baýyrjan Jaýyntaev reseılik Gamzat Zaıyrbekovten utyldy. 66 kılo salmaqtaǵy Gumar Qyrǵyzbaev túrkııalyq Sınal Sandalǵa san soqtyrǵanymen, ekinshi kezeńde slovenııalyq Andrıan Gamboktyń ekpinine shydamady. Osylaısha, jarystyń alǵashqy kúni jerlesterimizge birde-bir júlde buıyrmady.
Tashkenttegi týrnır 11 qarashaǵa deıin sozylady. Aldaǵy kúnderi biz Qazaqstannyń myna balýandarynyń ónerin tamashalaımyz:
Erler – Jansaı Smaǵulov (73 kılo), Aqylbek Serik (73 kılo), Dıdar Hamza (81 kılo), Qajymukan О́teýlıev (81 kılo), Ázız Qalqamanuly (90 kılo), Ádilhan Qozybaev, Aıbek Serikbaev (100 kılo), Erasyl Qajybaev (+100 kg) jáne Ǵalymjan Qyryqbaı.
Áıelder – Sevara Nyshanbaeva (57 kılo), Anna Kazıýlına (57 kılo), Iolanta Berdibekova (63 kılo), Aelıta Sherbakova (70 kılo), Ajar Salyqova (70 kılo) jáne Zarına Raıfova (78 kılo).
Ǵalym SÚLEIMEN,
«Egemen Qazaqstan»
