Qoldanystaǵy kabınalarǵa qaraǵanda, jan-jaqty ashyq sholý kabınasy jolaýshylarǵa qyzyqty kóńil-kúı syılap, erekshe áser alýǵa múmkindik beredi. Kabınadaǵy móldir qabatty eden kórkem shatqaldyń ústinen júzip bara jatqandaı áser qaldyrady. Fýnıkýlerge «Medeý-Shymbulaq» arqan joly arqyly otyrýǵa bolady.
Shet elderdegi atyshýly attraksıondar, mysaly, Chjanszıasze ulttyq saıabaǵy men Qytaıdaǵy Hýnan provınsııasyndaǵy bas aınaldyrar bıiktikte ornalasqan shynydan jasalǵan aspaly kópirler búkil álem týrısterin tańǵajaıyptarymen qyzyqtyryp keledi. Al olardyń beınebaıandary áleýmettik jelilerde keń taralyp, kópshilikti yntyqtyra túsýde. Endigi kezekte qazaqstandyqtar da mundaı kórkem kórinister qoljetimdi bolady.
Samsung kompanııasynyń prezıdenti Ýn Chol Iýn myrzanyń aıtýynsha, Samsung barlyq keńistikte – úıde de, qala kósheleri men tabıǵat aıasynda da ınnovasııalyq múmkindikterdi syıǵa tartady. Jańa saıahat túrleri almatylyqtar men týrısterge esten ketpes saıahat syılaıdy.
Elvıra Serikqyzy,
«Egemen Qazaqstan»
ALMATY
