Bıylǵy baıqaý negizgi bes atalym boıynsha ótti. Olar: Klassıkalyq mýzyka, Halyq mýzykasy, Estradalyq vokal, Horeografııa, Jýrnalıstıka. Keıbir atalymdar seksııalarǵa bólinip, olardyń árqaısysynda negizgi júldeli oryndar men Gran-prıden basqa, tanymal óner qaıratkerleriniń qurmetine arnaıy ataýly dıplomdar tapsyryldy.
Búgin «Shabyt» festıvaliniń júldegerleri anyqtalyp, Ulttyq óner ýnıversıetinde jeńimpazdardy saltanatty túrde marapattaý rásimi ótti. Al keshki saǵat jetide, Beıbitshilik jáne kelisim saraıynda Gran-prı ıegerlerin marapattaıdy jáne festıvaldiń jabylý saltanaty ótedi.
Araǵa alty jyl salyp, qaıta «Shabyt» festıvaliniń atalymdar qataryna engen jýrnalıstıka salasy boıynsha «Egemen Qazaqstan» gazeti ádebıet jáne óner bóliminiń tilshisi Nazerke Jumabaı «Internet resýrstary» atalymy boıynsha birinshi orynǵa ıe boldy. О́ner taqyrybyndaǵy órnekti maqalalarymen oqyrmanǵa oı salyp, qalamynyń qýatyn kórsete bilgen talantty áriptesimizdi jeńisimen quttyqtap, shyǵarmashylyq tabys tileımiz.
Baǵashar TURSYNBAIULY,
«Egemen Qazaqstan»
