Ulttyq kitaphana dırektory Janat Seıdýmanov semınar qatysýshylaryna Joldaýdy júzege asyrýǵa baılanysty eldegi kitaphana isin damytý baǵdarlamasyn damytý, sapaly adamı kapıtaldy qalyptastyrýdaǵy basym tujyrymdamalardy anyqtaý men Qazaqstan kitaphanalary qoryn sıfrlandyrý máselesine qatysty birqatar josparymen bólisti.
Semınarǵa qatysqan respýblıkanyń jetekshi kitaphanalarynyń basshylary, sarapshylar, oblystyq kitaphana ókilderi qazaqstandyqtardyń aqparatqa qoljetimdiligin zańnamalyq turǵydan qamtamasyz etý, sondaı-aq kitaphana jumysyn biriktirý, saladaǵy memlekettik-jekemenshik áriptestikti iske asyrý jónindegi jańa baǵyttardyń jobalary aıasynda óz pikirlerimen bólisti.
Semınar qatysýshylary sonymen qatar aǵymdaǵy jyly ótken «Kitaphana – qoǵamnyń kópfýnksıonaldy, kóp deńgeıli áleýmettik-mádenı ınstıtýty» búkilqazaqstandyq kitaphanashylar sezi delegattarynyń usynystaryn talqylap, aldaǵy atqarylatyn jumystar barysyna toqtaldy.
Almaty qalasy Eńbek ınspeksııasy jáne kóshi-qon basqarmasynyń bas mamany Kaısar Bahytjanov, «Interprınt» JShS oqý ortalyǵynyń jetekshisi Saýle Qanatova, memlekettik jekemenshik áriptestik boıynsha sarapshy Qaırat Qasenov, «Technology of imaging» JShS dırektory Evgenıı Lıýs, Almaty qalasy Densaýlyq basqarmasy Ftızıopýlmonologııa ortalyǵynyń uıymdastyrý-ádisteme bóliminiń meńgerýshisi Qarlyǵash Moldahmetova baıandama baıandama jasap, Q.Sátbaev atyndaǵy QazUTZÝ, ál-Farabı atyndaǵy QazUÝ, S.Seıfýllın atyndaǵy Almaty oblystyq ámbebap kitaphanasynyń, S.Asfendııarov atyndaǵy QazMÝÝ, «Technology of imaging» JShS mamandary qatysyp, Elbasy Joldaýyn iske asyrýǵa baılanysty usynystaryn bildirdi.
Elvıra SERIKQYZY,
«Egemen Qazaqstan»
ALMATY
