Vladımır Pýtın Qazaqstan men Reseı ekonomıkalyq operatorlary arasyndaǵy barlyq esep aıyrysýdyń 63 prosenti ulttyq valıýtada júzege asyrylatynyn, jýyq arada bul kórsetkish 75 prosentke jetý yqtımaldyǵyna toqtaldy. Mádenıet, bilim berý salalarynda da qarym-qatynas artyp keledi. Reseıdiń 76 sýbektisi Qazaqstannyń 14 oblysymen turaqty baılanys ornatqan. Bıyl Qazaqstanǵa 50-den astam reseılik aımaqtyq delegasııalar keldi. Ondaǵan bıznes-mıssııalar, jastar baǵdarlamalary uıymdastyryldy. Olardyń ishinde ylym, bilim jáne mádenıet salalary keńinene qamtyldy», dedi RF basshysy.
Eki el arasyndaǵy týrızmniń yrǵaqty damýyna forýmǵa qatysýshylardyń nazary aýdaryldy.Týrıstik ındýstrııa eleýli ekonomıkalyq áleýetke ıe. Reseıde ishki jáne syrttan keletin týrızmge qatysty úlken jumystar atqarylýda. Sonymen qatar eki el arasynda týrıstik almasý deńgeıi nyǵaıyp keledi. Reseıge jyl saıyn 3,6 mln qazaqstandyq, Qazaqstanǵa 3 mln reseılik saparlaıdy. Bul kórsetkishter aldaǵy ýaqytta arta túsedi degen senim zor.
Alqaly basqosýda týrısterge usynylatyn tarıhı-mádenı qundylyqtardy jetildirý joldary usynyldy. Eki eldiń ulttyq dástúrlerimen, ereksheliákterimen, uqsastyqtarymen tereńirek tanystyratyn baǵdarlamalar ázirleý tapsyryldy. Sonymen qatar kıeli jerlerge, qasıetti oryndarǵa saparlaýǵa saıahatshylardyń qyzyǵýshylyǵyn arttyrýdyń basqa da ádis-tásilderi engiziletin boldy.
Forýmǵa qatysýshylardyń barlyǵyna belsendi birlesken jumys úshin alǵysymdy aıtamyn. О́ńiraralyq yntymaqtastyq forýmy kelesi jyly Ombyda ótkiziledi. Shaqyrýymdy qabyl alyńyzdar», dedi V.Pýtın.
О́mir ESQALI,
«Egemen Qazaqstan»
Soltústik Qazaqstan oblysy
