Qarshadaı qyz «О́zińe sen» kompozısııasyn qazaq jáne aǵylshyn tilinde oryndap, jurtshylyqty erekshe súısintti. Qazylar alqasy men kórermender daýsynyń qorytyndysy boıynsha Danelııa 171 upaıǵa ıe bolyp, altynshy orynǵa turaqtady. 2015 jyly ánshi Polına Gagarınamen jumys istegen reseılik tanymal rejısser Alekseı Golýbev bul joly da rejısserlik muratyna adaldyq tanytyp, Danelııanyń kompozısııalyq qoıylymy qaıtalanbas merekege aınaldy. Bul rette Danelııanyń prodıýsseri Jan Muqanov otandasymyzdyń óz mindetin múltiksiz oryndap shyqqanyn aıtady.
«Danelııanyń tańdap alǵan áni sátsizdeý shyqty dep aıtyp jatqandar bar. Men onymen kelispeımin. Bul tikeleı efır bolǵandyqtan kóńil-kúıge áser etpeı qoımaıdy. Danelııanyń oryndaýy jarqyn, óte ádemi shyqty dep bilemin. Qansha degenmen álemdegi eń tańdaýly festıvalda bar múmkindigimizdi paıdalandyq, jıyrma eldiń ishinde altynshy orynnan kóriný jaman emes. Eń bastysy berekesi men birligin kórsetip daýys bergen halqymyzǵa alǵysymyz zor», deıdi ol «Egemen Qazaqstan» tilshisine.
215 upaımen Polsha baıqaýdyń bıylǵy jeńimpazy atansa, odan keıingi oryndarǵa Fransııa (203 upaı) men Aýstralııa (201 upaı) jaıǵasty.
Aıa О́MIRTAI,
«Egemen Qazaqstan»
