Robotty qurastyrǵan Nurat Tatenov Y. Altynsarın atyndaǵy daryndy balalarǵa arnalǵan qazaq gımnazııa ınternatynyń, Ǵalymjan Ábishev Baýyrjan Momyshuly atyndaǵy mekteptiń oqýshylary.
- Bizdiń shokolad satatyn robotty jasaýǵa eki aıdaı ýaqytymyz ketti. Joba barysynda úsh ret buzyp, úsh ret qaıtadan qurastyrdyq. Sonyńda, balalar shokolad satatyn robot jasap shyǵardy,- deıdi robototehnıka klýbynyń jetekshisi Qaırat Soltanalınov.
Shokolad jasaýshy robot qurylǵyny jasaýda Nurat erekshe kózge tústi. О́ıtkeni, ol kishkentaıynan ártúrli oıyndar qurastyrýdy jaqsy kóretin.
- Nurattyń kámpıt satatyn robot jasaý armany edi. Oǵan dosy Ǵalymjan Ábishev te kómektesti. Oblystyq oblystyq Bilim basqarmasynyń «Aqparattyq tehnologııalar ortalyǵy» ótkizgen baıqaýǵa olar shokolad satatyn robot jasap alyp bardy,-deıdi ustazy Qaırat
- Robotty úsh ret qurastyryp, úsh ret buzyp tastadyq. Bastapqyda Lego mehanızimde shokolad satatyn robotty jasap kórdik. Biraq, tehnıkalyq baıqaýdyń talaby boıynsha Lego education mindstorms Ev3 konstrýktory boıysha jasaý kerek. Internetten saýda avtomattarynyń Ven mashına mehanızmderin qaradyq. Taǵy buzyp tastadyq. Ońaı bolǵan joq,-deıdi Nurat.
Sóıtip, Nurat pen Ǵalymjan Qaırat ustazmen birge áýeli 50 teńgelikterdi qabyldaıtyn tetik jasaıdy. Kelesi de shokolad beretin mehanızimin qurady. Biraq, aqaýlyqtary taǵy da kedergi keltirdi.
-Tetik birden eki shokolad ta berip qoıady. Bul mehanızm de jaramady. Taǵy da ınternetke júgindik. Basqa mehanızm izdedik, quradyq, qaıta buzdyq. Eń sonyńda 50 teńgeni qabyldaıtyn 1 shokolad satatyn robotty oılap taptyq!-dedi Nurat pen Ǵalymjan qosarlana.
Bul apparat qalaı jumys jasaıdy?- degen bizdiń suraǵamyzǵa:
- Aldymen baǵdarlamany qosasyz. Sonan soń, 50 teńgeni salasyz. Robottyń ekranynda TVIKS-MINIS degen habarlama shyǵady. Batyrmany basyp qalsańyz boldy-qolyńyzǵa shokolad túsedi, -deıdi olar taǵy da jarysa.
Jobalary jeńiske jetken soń, olar mektepterine baryp, dostaryńa synyptastaryńa shokolad satyp kórdi.
-Biraq, árıne, bul áli bıznes emes. Oqýshylardyń álem jańalyqtaryna degen qyzǵýshylyq, izdenýshilikteri ǵoı. О́zge dostaryn da san qyrly tehnıka ómirine, robottarmen jumys jasaýǵa tartý. Aldaǵy ýaqytta Snıkers, Baýntı shokoladtaryn satatyn robot jasaýǵa kiristi,-deıdi ustazdary Qaırat.
Oqýshylar saraıynyń basshysy Alma Erýbaevanyń aıtýynsha, elimizdegi «Sıfrly Qazaqstan» baǵdarlamasy boıynsha ashylǵan «BALA BISNESS» tehnoparki balalarǵa IT-tehnologııasyn paıdalanyp, bilimderin jetildirýge múmkindik berýde
Balalar tehnoparkiniń Innovasııalyq alańynda tájirıbelik jáne kommersııalyq maqsatta plastık materıaldardan buıymdar jasaıdy. Árbir ata-ana balalaryn 3D modeli úlgimen kompıýterde jasalǵan naqty nysandy qurý úshin úıirmege ákele alady.
IT-synybynda IT-resýrstar, sıfrlyk bilim alý resýrstaryna kóńil bólingen. Bul jerde ozyq oıly, zerek oqýshylar Corel, Photoshop, AutoCAD baǵdarlamalaryn ıgerip, bolashaq mamandyqtaryna jol ashady.
Farıda BYQAI,
«Egemen Qazaqstan»
PAVLODAR
