Saltanatty is-sharada Departament basshysy Serikbaı Nurǵısaev, SDÝ prezıdenti Meıirbek Majıtov, Qarasaı aýdanynyń ákimi Jandarbek Dalabaev jáne Almaty oblysyna qarasty kolledjder men mektep dırektorlary bas qosty.
Is-shara barasynda vedomstvo men ýnıversıtet arasynda Memorandýmǵa qol qoıylyp, ekijaqty seriktestik arqyly sybaılas jemqorlyqtyń aldyn alý boıynsha ortaq ádis-tásilder men qoǵamda jemqorlyqqa qarsy mádenıetti qalyptastyrý boıynsha kelisimder jasaldy. Jobalyq keńseniń ashylýy erekshe formatta - «Sana Talks» ınteraktıvti pikir almasý alańyn uıymdastyrý arqyly ótkizildi. «Sana Talks» qatysýshylary óz kózqarastaryn bildirip, qoǵamdyq dertke aınalǵan jemqorlyq máselesiniń aldyn alýǵa baǵyttalǵan usynystaryn bildirdi.
«Bala tárbıesi mektep pen ýnıversıtet qabyrǵasynda qalyptasady. Bolashaq tulǵanyń dúnıetanymyn, ómirge degen kózqarasyn, qoǵammen qarym-qatynasyn úıdegi ata-ana men bilim oshaǵyndaǵy ustazdary qalyptastyrady. Sondyqtan jastardy tárbıeleý jumysyna qatysýymyz qajet. Ábir oqý orny úshin sapaly bilim birinshi kezekte turýy shart. Mindetimiz - qoǵamdyq dertke aınalǵan sybaılas jemqorlyqqa qarsy aldyn alaý sharalaryn júrgizý, ortaq ádis-tásilderdi engizip, jastarmen jan-jaqty jumys jasaý. «Jumyla kótergen júk jeńil» demekshi osy baǵytta jan-jaqty jumys atqaratynymyzǵa senimdimin, - dep atap ótti SDÝ prezıdenti Meıirbek Majıtov.
Elvıra SERIKQYZY,
«Egemen Qazaqstan»
ALMATY
