Aqtaý qalasynyń 55 jyldyǵyna arnalǵan sport sharasyna elimizdiń Astana, Qyzylorda, Shymkent, Aqtóbe, Atyraý, Batys Qazaqstan, Mańǵystaý oblysy palýandarymen birge, bıyl tuńǵysh ret shetelden, ıaǵnı О́zbekstan respýblıasynan sportshylar qatysty.
Eki kúnge sozylǵan saıysta myqtylar anyqtalyp, olar arnaıy medaldar men aqshalaı syılyqtarǵa ıe boldy.
- Saıys joǵary deńgeıde ótti. Saıystyń uıymdastyrylýyna Astanadan jáne О́zbekstan elinen kelgen jattyqtyrýshylar joǵary baǵa berýde. О́zbekstannan ózge de memleketter qyzyǵýshylyq tanytýda, sondyqtan bul jaqsylyqtyń bastamasy dep oılaımyn, kelesi jyly týrnırimiz respýlıkalyq emes, halyqaralyq deńgeıde ótýi ábden múmkin. El basyna kún týǵan alasapyran kezeńde atqa qonyp, el qorǵaǵan Shotan Nazarulynyń erligi, eljandylyǵy urpaq boıyna sińip, jas urpaq elin súıgen meıirban, elin qorǵar shymyr bolyp ósse deımiz, sondaı-aq saıystyń ótkizilýine qoldaý kórsetken barsha qoldaýshy, demeýshilerge rızashylyq bildiremin, deıdi «Shotan batyr» qoǵamdyq qorynyń dırektory Álibek Adambergenuly.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
