Kórmeni Investısııalar jáne damý birinshi vıse-mınıstri Roman Sklıar ashty.
«Qazaqstannyń avtojol jelilerin damytý men jetildirý – bizdiń mınıstrlik sheshetin basym memlekettik mindetterdiń biri. Avtomobıl joldarynyń zamanaýı jelisin qurý jáne tıimdi paıdalaný, jol kesheniniń ınfraqurylymy – memleket ekonomıkasynyń serpindi damýynyń negizgi tiregi bolyp tabylady. Ústimizdegi jyly elimiz boıynsha 4,5 myń shaqyrymnan astam respýblıkalyq mańyzy bar kólik joldary jóndeldi», dep atap ótti R.Sklıar kórmeniń ashylýynda sóılegen sózinde.
Bıylǵy kórmede «Iri qalalar men jaqyn mańdaǵy eldi mekender arasynda kólik qatynasyn damytý boıynsha sharalar qabyldaý» jáne «О́ńirishilik qatynastardy jaqsartý úshin jergilikti joldardy jóndeýge qarjy kólemin 150 mlrd teńgege deıin ulǵaıtý» máselelerine basymdyq berilip otyr. Bul sharalardy júzege asyrý Qazaqstan Respýblıkasynyń Prezıdenti Nursultan Nazarbaevtyń 2017 jyldyń 31-qańtardaǵy halyqqa Joldaýynda tapsyrylǵan bolatyn.
Qazaqstan Respýblıkasynyń, Belarýs, Ýkraın, Reseı, AQSh, Germanııa, Túrkııa, Qytaı jáne ózge de elderdiń 100-den astam zamanaýı ǵylymı jáne tehnıkalyq ónimderi men materıaldary usynylyp otyr.
Kórme aıasynda óńiraralyq jol ınfraqurylymyn damytýdy sheshý joldary» atty ǵylymı-tájirıbelik konferensııa uıymdastyryldy. Onyń jumysyna AQSh, Fransııa, Túrkııa, Reseı elderi men Qazaqstannyń belgili kompanııalary ókilderiniń qatysyp, óz elderindegi jol qurylymyna qatysty tájirıbemen bólisti, júzege asyrý ústindegi ınnovasııalyq jańashyldyqtaryn ortaǵa saldy.
Búginde elimizde qoldanystaǵy avtomobıl jolynyń uzyndyǵy – 95,6 myń shaqyrym. Onyń 24,4 myń shaqyrymy – respýblıkalyq mańyzy bar, al 71, 2 myń shaqyrymy – jergilikti joldar.
Jyldarǵa arnalǵan «Nurly jol» memlekettik baǵdarlamasy aıasynda bizdiń mınıstrlik avtojoldar, transport jáne azamattyq avıasııa salalarynda birqatar jobalardy júzege asyrýda. Negizinen avtomobıl joldaryn salý men qaıta jóndeý jumystaryna mán berýdemiz. Atalǵan memlekettik baǵdarlama aıasynda 2015-2017 jyldary respýblıka boıynsha I jəne II deńgeıdegi tehnıkalyq kategorııalarǵa jatatyn 5,9 myń shaqyrym jol salyndy jáne jóndeýden ótti. Sonyń ishinde iske qosylǵan Batys Eýropa -Batys Qytaı kólik dálizi de bar», dedi QR Investısııalar jáne damý vıse-mınıstri Roman Sklıar.
Onyń aıtýynsha, atalǵan jumystarǵa 932,4 mlrd teńge qarajat bólindi, onyń 472,8 mlrd teńgesi ulttyq qordan qarjylandyryldy. Odan bólek, atalǵan jobalardy júzege asyrý kezinde 80 myń adam jumysqa tartyldy. Joldardy salý men jóndeýge jumsalǵan qurylys materıaldarynyń 95 paıyzyn otandyq ónimder qurady.
Sonymen qatar vıse-mınıstr ústimizdegi jyly respýblıkalyq mańyzy bar avtomobıl joldaryn salý men jóndeý baǵytynda 23 jobanyń júzege asyrylǵanyn, 4,6 myń shaqyrym jol paıdalanýǵa berilgenin aıtyp ótti. Ol jobalarǵa bıýdjetten 232,4 mlrd teńge qarjy bólingen jáne jyl sońyna deıin taǵy 528 shaqyrym avtojol ashylmaq.
«Qazirgi ýaqytta elimizde jergilikti mańyzy bar joldarǵa bólingen qarjy kólemi – 155,9 mlrd teńge. Onyń 64,3 mlrd teńgesi respýblıkalyq bıýdjetten qarastyrylǵan. Bul qarajatqa óńirlerdegi jalpy uzyndyǵy 4373 shaqyrymdy quraıtyn avtomobıl joldaryna jóndeý jumystary júrgiziledi. Onyń ishinde 232 shaqyrym jol jańadan salynady jáne qaıta jóndeýden ótedi, al qalǵan 4141 shaqyrym avtojolǵa kúrdeli jáne orta deńgeıdegi jóndeý jumystary júrgiziledi», dedi ol.
Kórme aıasyndaǵy is-sharalardy Qazaqstan Respýblıkasy Investısııalar jáne damý mınıstrliginiń, QR IDM Avtomobıl joldar komıtetiniń, «QazJolǴZI» AQ-nyń resmı qoldaýymen «VS Expo Com» kórme kompanııasymen ótkizýde. Kórme jumysy eki kúnge sozylmaq.
Suńǵat ÁLIPBAI,
«Egemen Qazaqstan»
