Taıaýda ǵana bolǵan Azamattyq forýmda Memleket basshysy «Rýhanı jańǵyrý» baǵdarlamasyn odan ári júzege asyryp, «Uly dalanyń jeti qyry» atty gazetimizde jaryq kórgen maqalasynda belgilengen basymdyqtar aıasynda jumystardy bastaýdyń mańyzdylyǵyn atap ótken bolatyn. Úkimettik emes uıymdardyń atsalysýymen múmkindigi shekteýli adamdar, erekshe muqtaj balalar men jastar úshin asa belsendi ortanyń qalyptasýy jaqsy úrdis sanalady,- degen edi Elbasy óz sózinde.
Shara maqsaty da muqtaj jandardyń qordalanǵan máselelerine halyq nazaryn aýdartý, olarǵa áleýmettik, psıhologııalyq jáne medısınalyq kómek kórsetý deńgeıin arttyrý jáne qoǵamda jalpy qabyldanǵan stereotıpterdi buzý, múmkindigi shekteýli balalar da óz talaby men múmkindikteri bar balalar ekenin kórsetý. Fızıkalyq damý erekshelikterine qaramastan, olar talantty jáne kreatıvti, sportta jáne shyǵarmashylyqta ózderin tolyq kórsete alady, tipti keıde óz qatarlastaryn basyp ozady da. Balalar keste tigedi, sýret salady, toqyma toqıdy, músinder jasaıdy Bul óz kezeginde ózin-ózi jetildirýdiń eshbir sheginiń joqtyǵyn dáleldeıdi: «Múmkindikter – shekteýli, qabilet - sheksiz». Aksııa osy balalarǵa aıaýshylyq bildirý maqsatynda emes, kerisinshe olardyń da qoǵamnyń bir músheleri ekenin eske salýdy oılandyrǵandaı bolǵan ádemi kesh boldy,sondaı-aq, múmkindigi shekteýli adamdarǵa áleýmettik qorǵaý men kómek qoly qajet ekendigin de umytpaǵan jón ekenin sezindirgendeı áserde qaldyrdy. Atalmysh shara múmkindigi shekteýli balalardy qalypty ómirge beıimdeýge baǵyttaldy, negizgi top retinde Almaty qalasyndaǵy túrli syrqatty 80 múgedek bala shaqyryldy.
Bul is-shara aıasynda qyzyqty konserttik baǵdarlamada: Janna Orynbasarova, Aıjan Nurmaǵambetova, Jámıla Serkebaeva, Venera Nıgmatýlına, Anton Mıtnev, Nına Jmereneskaıa, Parvız Nazarov, Aıda Aıýpovalar án oryndap, mýzeı boıynsha ekskýrsııa, syılyqtar tapsyrý, sondaı-aq aksııa qatysýshylary men shaqyrylǵan balalardyń qoldan jasalǵan buıymdary kórmesi ótkizildi.
Kórmede 10-16 jas aralyǵyndaǵy balalardyń ártúrli tehnıkada oryndalǵan: aǵashty oıý, músindeý, keste tigý, bısermen jáne ilmek bizben toqý, dánderden applıkasııa jáne basqa da tańǵajaıyp jumystary usynyldy. Ár balanyń kórmege atsalysa qatysýy onyń múmkindikterin ashýǵa kómektesti dep oılaımyz. Tanymal ánshiler konsertinen keıin bir kóńildengen búldirshin balalar ózderiniń baqytty bolashaǵyna úlken senimmen qaıtty.
Saparbaı PARMANQUL,
«Egemen Qazaqstan»
ALMATY
