«Qazsınk» kompanııasy 2012 jyly qazaqstandyq mazmundy damytý keńsesin ashypty. Búginde qazaqstandyq 71 kásiporyn óndiris ornymen seriktes eken. «Kompanııa óziniń qurylǵan ýaqytynan beri taýardyń sapasy men baǵasy, jetkizilýi shet eldik kompanııalardan kem túspese árkez basymdyqty otandyq kásiporyndarǵa beredi. Bizdiń jalpy satylymda otandyq óndiristiń taýarlary men qyzmetteri 62 prosentti quraıdy. Bir sózben aıtqanda, biz jyl saıyn 180 mıllıard teńgege qazaqstandyq kásiporyndardyń taýarlar men qyzmetterin satyp alamyz. Bul Prezıdenttiń qazaqstandyq ónimdi qoldaý bastamasymen de úndesedi. Osy tarapta biz Shyǵys Qazaqstan oblysy ákimdigimen, «Atameken» ulttyq kásipkerler palatasymen, «Damý» qorymen jáne NADLoG agenttigimen birlese jumys isteımiz», - deıdi «Qazsınk» JShS-niń damý jáne kommersııalyq saraptama qyzmetiniń bastyǵy Tatıana Ivanova.
Azamat QASYM,
«Egemen Qazaqstan»
О́SKEMEN
