Atalmysh kýrs negizinde Elbasynyń tulǵalyq qalyptasý kezeńderin kórsetip, ony jastarǵa ónege etý arqyly otansúıgishtikke tárbıeleý isi qolǵa alynýda. Atap aıtar bolsaq, bul kýrs alǵash ret 2013-2014 jyldary elordanyń J.Jabaev atyndaǵy mektep-gımnazııasy, №50 «Qazǵarysh» mektep-lıseıi jáne № 38 mekteptiń oqýshylaryna ótkizile bastady. Bul jumys ári qaraı jalǵasyn taýyp, Aqmola oblysy Eńbekshilder aýdany jáne Arshaly aýdanyna qarasty Qosshy aýyldyq okrýginde, Almaty oblysy Qarasaı aýdany Abaı mektebiniń oqýshylaryna arnaıy dáris ótkizildi.
Osynaý shara aıasynda Elbasynyń synyptastary men zamandastary: S.Esimbaı, Q.Sarekenov, K.Ámirova, K.Baıbosynov, R.Sırazıtdınova, T.Sypaev, A.Ábdiramanov, M.Qystaýbaev, I.Orazbaev, E.Saparbaev, A.Myrzametov, Á.Kárimovterdiń qatysýmen «О́negeli ómir, óshpes mura» atty rýhanı kesh uıymdastyrylyp, Prezıdentimizdiń týǵan ólkesi Qaskeleń, Shamalǵan, Úshqońyr eldi mekenderi jáne bilim alyp, qyzmet atqarǵan Dneprodzerjınsk, Almaty, Temirtaý, Qaraǵandy qalalaryna ǵylymı-izdestirý jumysy júrgizildi. Nátıjesinde 50-ge jýyq derek qory (suhbattar, estelikter, muraǵattar) tabylyp, olar kópshilik nazaryna usynyldy.
Osy oraıda, N.Nazarbaevtyń buǵan deıin belgisiz bolyp kelgen 1956 jyly «Jas natýralıster» uıymyna múshe retinde Búkilodaqtyq aýylsharýashylyq kórmesiniń medaline ıe bolýy, sonymen qatar «Komsomolskaıa pravda», «Kazahstanskaıa pravda» syndy búkilodaqtyq, respýblıkalyq gazetterde jarııalanǵan maqalalar, reseılik muraǵat qorlarynan alynǵan Nursultan Nazarbaevtyń óndiris ozattarymen birge kosmonavt Valerıı Bykovskııdiń qolynan ǵaryshta bolyp kelgen komsomol tósbelgisin alýy, Qazaqstan komsomolynyń H, HII sezderine, BLKJO-nyń HIV cezine, Fınlıandııanyń Helsınkı qalasynda ótken VIII Búkilálemdik Jastar men stýdentter festıvaline qatysýy týraly aqparattar, qujattar men fotosýretter qundy dúnıe retinde baǵalanyp otyr.
Osylaısha elimiz kóleminde «Elbasytaný» álippesin turaqty júrgizýdiń nátıjesinde derek qory jınaqtalyp, olar «Atameken» broshıýrasy, «Qoǵamdyq-saıası taqyryp boıynsha ekskýrsııa júrgizý jáne daıyndaý» atty ádistemelik qural, «Elbasy: ómirbaıany, bastamalary jáne saıası ustanymy. Zamandastar estelikteri» atty jınaq, «Ulaǵatty ustazdar» albomy syndy kitap bolyp jaryq kórdi. Sonymen qatar Qazaqstan Respýblıkasynyń Tuńǵysh Prezıdenti – Elbasynyń Kitaphanasy mýzeıiniń únparaǵy «Mıras» qoǵamdyq-saıası jáne ǵylymı-kópshilik jýrnaly arqyly 30-ǵa jýyq estelik-suhbat pen maqala jarııalandy.
Sońǵy ret, ıaǵnı bıylǵy qarasha aıynyń 18-25-i aralyǵynda ǵylymı-izdestirý toby 1959-1960 jyldary Elbasy bilim alǵan Ýkraına elindegi Dneprodzerjınsk qalasyndaǵy №8 tehnıkalyq ýchılıshede bolyp keldi. Ǵylymı topty qala basshysynyń orynbasary T.Zavgorodnık qabyldap, ýchılısheniń tarıhymen tanystyrdy. Izdeýshiler oqý ornynyń muraǵatynan jas jigit Nursultan Nazarbaevty oqýǵa qabyldaý týraly 1958 jylǵy 20 qarashadaǵy №12 buıryqty jáne úzdik oqyǵany, qoǵam jáne komsomol jumystaryna belsene qatysqany úshin tabys etilgen «Maqtaý qaǵazy» t.b. málimetter taýyp qaıtty.
Láıla OMAROVA,
Qazaqstan Respýblıkasynyń Tuńǵysh Prezıdenti – Elbasynyń Kitaphanasynyń jetekshi ǵylymı qyzmetkeri
