Brazılııalyq djıý-djıtsýdan jylda ótetin Arlan Grip Selection týrnıri aıasynda erteń 18 jastan asqan eresekter National Pro Team boıynsha saıysqa túsedi. 8-9jeltoqsan aralyǵynda osy jarys aıasynda jasy 18-den asqan eresekter men áıelder arasynda grepplıngten 2019 jyly AQSh-ta ótetin álem chemponatyna joldama úshin tartys uıymdastyrylady. Qatysýshylar AIGA (áýesqoılar) men ADCC (tájirıbeliler) nusqalary boıynsha myqtylardy anyqtaıdy.
Azııa men Muhıt jaǵalaýy elderiniń chempıonaty Almatyda osymen ekinshi ret ótkeli otyr. Alǵashqy ret ol 2016 jyly uıymdastyryldy. Bıylǵy jarysqa Avstralııa, Malaızııa, Japonııa, Ońtústik Koreıa jáne Qytaıdan myqty sportshylar keledi.
Jalpy grepplıngten álem chempıonatynyń jalaýy eki jylda bir márte jelbireýde. Al 2021 jylǵy dúnıejúzilik dodada tek qana Qazaqstanda emes, búkil TMD elderinde tuńǵysh ret uıymdastyrylǵaly otyr.
Bıylǵy Azııa men Muhıt jaǵalaýy elderi chempıonatynyń júlde qory 20 myń AQSh dollaryn quraıdy. Barlyq týrnırler ABB Arena sport kesheninde ótedi. Aqshalaı syılyqtardan bólek jeńimpazdar men júldegerler arnaıy Arlan Grip medaline ıe bolady. Jarys kún saıyn saǵat 10:00-de bastalady.
Ǵalym SÚLEIMEN,
«Egemen Qazaqstan»
ALMATY
