Ádilet mınıstrligi «Fılıp Morrıs Interneshnl» jáne «Ernst end Iаng» kompanııalarymen birlesip «Qazaqstan Respýblıkasynyń zııatkerlik menshik quqyqtaryn saqtaý jáne qorǵaý salasyndaǵy zańnamasyn jetildirý» taqyrybynda dóńgelek ústel ótkizdi. Is-shara Qazaqstan Respýblıkasy Prezıdenti janyndaǵy Sheteldik ınvestorlar keńesiniń ınvestısııalyq saıasatyn iske asyrý boıynsha birlesken jumys tobynyń jumys jospary aıasynda ótti.
Dóńgelek ústel jumysyna qarjy men ulttyq ekonomıka mınıstrlikteriniń, Ádilet mınıstrliginiń Ulttyq zııatkerlik menshik ınstıtýtynyń, «Qazaqstandyq sheteldik ınvestorlar keńesi» qaýymdastyǵynyń, sondaı-aq, Qazaqstan Respýblıkasy aýmaǵynda áreket etetin birqatar jetekshi shetel kompanııalarynyń ókilderi qatysty.
Dóńgelek ústelge qatysýshylar Qazaqstan Respýblıkasynyń 2018 jylǵy 20 maýsymdaǵy Zańymen engizilgen zııatkerlik menshikti saqtaý jáne qorǵaý salasynda engizilgen sońǵy túzetýlerdi jan-jaqty talqylady. Onda bıznes, mınıstrlikter men memlekettik organdardyń ókilderi zııatkerlik menshik quqyqtary salasyndaǵy retteýdiń odan ári damý bolashaǵyna qatysty pikirlerimen almasyp, quqyq qoldaný tájirıbesiniń ózekti máselelerin talqylady.
Dóńgelek ústel barysynda sarapshylar Taýar belgisin tirkeý júıesi ońtaılandyrylýy, taýar belgisin alý ótinim saraptamasyn ótkizýdiń, quqyqty tabystaýdy tirkeý merzimi qysqartylýy, taýar belgilerin qorǵaýǵa arnalǵan tıimdi quqyqtyq jaǵdaılar qalyptasqandyǵy, «Kontrafaktilik taýar men onyń qaptamasy» termıniniń naqty anyqtalýy, taýar belgisi ıesiniń zalaldaryn óteýdiń qosymsha tetigi engizilgendigi jaıyndaǵy túzetýler men ózgeristerge oraı óz oılaryn jetkizdi.
Ádilet mınıstrliginiń málimetteri boıynsha qazirgi kezde zııatkerlik menshik salasyndaǵy zańnamany odan ári jetildirý máseleleri pysyqtalýda.
Elvıra Serikqyzy,
«Egemen Qazaqstan»
ALMATY
