Forýmǵa oblystaǵy qala jáne aýyl jastar resýrstyq ortalyǵynyń ókilderi, oqý oryndarynyń, mekemeler men kásiporyndarynyń belsendi jastary, qoǵamdyq pikir kóshbasshylary, blogerler qatysty.
Birneshe bólikti qamtyǵan forým jumysynyń bir baǵyty «Jastarǵa qajet 7 qasıet» ashyq leksııa. Elbasynyń «Rýhanı Jańǵyrý» baǵdarlamasynda erekshe atalyp ótkendeı, qazirgi tańda tabysty bolýdyń eń basty faktory ol – bilim, ıaǵnı ol árbir azamattyń alǵa basýyna jaǵdaı týdyryp, jetistikke jetkizetini týraly - AQSh-tyń Garvard ýnıversıteti Kennedı basqarý mektebiniń túlegi Muqan Shyńǵys Jumabekuly jastarmen leksııa júrgizdi. «Timur academy» oqytý ortalyǵynyń dırektory IT maman - Tımur Bektur, jas kásipker, «Qaraǵantúbek» JShS dırektory - Sándibek Qosýaqov, «Beken jastary» qoǵamdyq birlestiginiń tóraǵasy Muqash Oralbaev - «2019 - jastar jylynda» basymdyq beretin mejeler men zamanaýı trendterdi nasıhattaý, ǵylymı-ınnovasııalyq ilimderdi ıgerý men patrıottyqqa baýlý máseleleri oı talqyǵa saldy.
Sonymen qatar bilim jáne ǵylym, kásipkerlik, sport, jumyspen qamtý, mádenıet salasyndaǵy jastardyń 12 kórmesi jastarǵa usynyldy.
Forým barysynda úzdik jastar «Jas tulpar - 2018» oblystyq jastar syılyǵymen marapattaldy.
Mańǵystaý oblysy boıynsha búgingi tańda 14 pen 29 jas aralyǵynda 145 657 jastar bar, bul jalpy oblys turǵyndarynyń 22,1% paıyzyn quraıdy. Qalalarda – 70 174, aýyldyq jerlerde 75 483 jas turady.
Oblysta 8 jastar resýrstyq ortalyqtary qyzmet atqarady, onyń ishinde 1- oblystyq jáne aýdan, qala deńgeıinde 7 «Jastardyń resýrstyq ortalyqtary» kommýnaldyq memlekettik mekemeleri.
2018 jyly «Bolashaqqa baǵdar: rýhanı jańǵyrý», «Uly dalanyń jeti qyry» baǵdarlamalyq maqalalaryn túsindýrige arnalǵan aqparattyq-nasıhattyq kezdesýler, «Bolashaqqa senimmen» jobasy, konsýltasııa alǵan jastardyń úles sanyn arttyrý maqsatynda «Keńes alańy» jobasy, osal toptaǵy jastardyń úlesin arttyrý maqsatynda «Eriktiler korpýsy» jobasy, jastar ortalyqtarynyń qyzmeti týraly 14 pen 29 jas aralyǵyndaǵy jastardyń aqparattandyrý deńgeıin arttyrý maqsatynda ımıdjdik «Lektorıým», «Jastar Books», «Kásibı baǵdar» jobalary,«Aýylym –el besi» atty jastar krýeni, «Jaıdarman oıyndary - 2018», «Lektorıým – 2018» erkin formattaǵy jastarmen kezdesýler ótkizildi.
Oblys ákimi Eraly Toǵjanovtyń bastamasymen «Asar», «Jomart júrek» qaırymdylyq sharasy aıasynda 168 otbasyǵa áleýmettik kómek, 64 jalǵyzbasty azamattarǵa adrestik kómek kórsetildi jáne Shyǵys Qazaqstanda bolǵan tabıǵı apattan zardap shekken jandarǵa 400 kg azyq-túlik pen kıim keshek joldanǵan «Shyǵysqa kómek» naýqany uıymdastyryldy.
2019 jylǵa arnalǵan jol kartasy aıasyndaǵy 100 naqty sharany iske asyrý josparlanyp otyr. Keler jyly Elbasynyń «Uly dalanyń jeti qyry» atty baǵdarlamalyq maqalasy aıasynda «О́z tarıhyńdy tanyp bil» atty respýblıkalyq jastar ekspedısııasy, «Rýhanı jańǵyrý» baǵdarlamasy boıynsha «Álem tanyǵan Mańǵystaý» respýblıkalyq jas blogerlerdiń medıa kerýeni, Aqtaý Sammıtiniń 1 jyldyǵy qarsańynda Mańǵystaý óńirimen shekaralas memleketteri aımaqtary jastarynyń «Jastar dostyǵy 2019» halyqaralyq forýmy sııaqty sharalar uıymdastyrylady.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
