2018 jyly taekvondodan Qazaqstan ulttyq quramasy 10 oqý jattyǵý-jıynyn ótkizdi. Onyń segizi el aýmaǵynda ótse, ekeýi shetelde josparlandy. Qarashanyń 13-21 aralyǵynda Dýbaıda (BAÁ) ótken oqý-jattyǵý jıynyna 10 sportshy men 4 jattyqtyrýshy qatysqan.
Bıyl taekvondoshylar 15 halyqaralyq jarysqa qatysyp, jalpy esebi 20 altyn, 20 kúmis jáne 27 qola medal jeńip aldy.
Sportshylardyń jazǵy Azııa oıyndaryndaǵy jetistigin atap ótpeýge bolmaıdy. Jazǵy Azııa oıyndarynda Qazaqstan taekvondoshylary buryn-sońdy bolmaǵan kórsetkishke qol jetkizip, 5 medal ıelendi. Atap aıtar bolsaq, Denız Jansel men Rýslan Japarov kúmiske qol jetkizse, Nurlan Myrzabaev, Erasyl Qaıyrbek jáne Farıza Aldońǵarova qola medal taǵyndy.
2018 jylǵy maýsymda Qazaqstan aýmaǵynda taevondodan 13 iri jarys ótkizildi. Onyń ishinde Mustafa О́ztúrikti eske alýǵa arnalǵan halyqaralyq jarys, Astananyń 20 jyldyǵyna arnalǵan Astana Open halyqaralyq týrnıri, Azııanyń birinshi ashyq chempıonaty syndy dúbirli dodalar bar.
Vetnamnyń Hoshımı qalasynda ótken Azııa chempıonatynda Smaıyl Dúısebaı chempıon atansa, Rýslan Japarov kúmis, Aıtýar Shaıkenov pen Mereke Júnisova qola medalǵa ıelik etti. Atalǵan sportshylarǵa Qazaqsan úkimetiniń qaýlysymen aqshalaı syıaqy tabystaldy. Sondaı-aq, Qazaqstan Ulttyq Olımpıadalyq komıteti Azııa oıyndarynda júldege ilikken bes sportshyǵa da qarjylaı syıaqy usynǵanyn aıta ketý kerek.
Taekvondo federasııasy Qazaqstan UOK qoldaýymen ulttyq qurama sportshylaryna medısınalyq kómek kórsetip, durys tamaqtaný tártibin jolǵa qoıǵan. Komandaǵa jańa úlgidegi bıohımııalyq analızator alyndy. Bul laboratorııalyq zertteýler júrgizip, mańyzdy kórsetkishterdi anyqtaýǵa múmkindik beredi. Sportshylardyń fýnksıonaldy daıyndyǵyn baqylaý úshin bul taptyrmas qural.
Sondaı-aq, tóreshiler korpýsy da kúsheıtildi. Bıylǵy maýsymda 43 tóreshi akkredıtasııadan ótti. Onyń ishindegi 18 tóreshiniń halyqaralyq dárejedegi kategorııasy bar ekenin eskerý kerek. 25 tóreshi 1 dárejeli ulttyq kategorııa ıegeri. 2017 jylmen salystyrǵanda, tóreshiler sany 5 paıyzǵa ósti.
Halyqaralyq taekvondo federasııasyndaǵy rebrendıngke baıdanysty «Qazaqstan taekvondo federasııasy (WT)» logotıpti jańartty. Sheshim boıynsha «WTF» abbrevıatýrasynan «F» árpi alynyp tastaldy.
