Bıylǵy qatal bastalǵan qysty ózgertken appaq qarǵa órnek bergendeı bolǵan kózdiń jaýyn alǵan moıyl edi.
Aınalaǵa qar túsken jeltoqsannyń bet qaryǵan alǵashqy kúnderi jumysqa bara jatqanda jol boıyndaǵy bir túp jıdektiń al qyzyl boıaýy kóz jaýyn alǵany erek. «Samaldaǵy» eń bıik úıdiń aldyna egilgen aǵashtyń birine moıyl ósedi dep kim oılaǵan.
Moıyl shirkin alǵashqy qar jaýǵanda qar astynda qalǵan edi. Araǵa apta salyp kelgende kún jylı bastaǵan sát bolatyn, aıazda ádemi kórinetin moıyldyń borsyp isine bastaǵanyn baıqap tańǵaldyq. Moıyl aǵyp ketedi degenińiz osy shyǵar dep qoıǵanbyz.
Siz de kórińiz, jary,qtyq, moıyl aǵyp ketken jyl dep jazatyn osy kez-aý! Jol jıegindegi dolanalardy tosap jasaýǵa jınap alǵan, al moıylyńyz aǵash basynda Jańa jylda jyltyrap kózdiń jaýyn alady. Qyzyq, siz bilesiz be, negizi moıyl sý qoımalarynyń, kólderdiń, ózenderdiń jaǵalarynda, butalardyń arasynda, ormandardyń shetterinde ósedi eken. Baıaǵyda qalany kórkeıtý oryndary aımaqty jasyldandyrý kezinde moıyl butaǵyn shanshı salǵan boldy ǵoı.
Shirkin, moıyl!
Saparbaı PARMANQUL,
«Egemen Qazaqstan»
Almaty
