Týrızmniń damýynda Túrkistan qalasynyń alar orny erekshe ekeni málim. Jyl basynan bergi 11 aıda qalaǵa kelgen zııaratshylar men týrıster sany 1 136,5 myńǵa jetken. Onyń ishinde alys-jaqyn shetelden 37,9 myń týrıst keldi. Iаǵnı 2017 jyldyń tıisti kezeńimen salystyrǵanda týrıster men zııaratshylar sany 3,6 %-ǵa nemese 39,2 myń adamǵa artyp otyr. Kelgen týrıster men zııaratshylarǵa kórsetilgen túrli qyzmetter kólemi 5143,4 mln.teńge bolyp, qaladaǵy JО́О́-niń 7,5 %- yn quraǵan.
Bul derekterdi Túrkistan qalasynyń ákimi Á.О́serbaev bıylǵy 11 aıda óńirdiń áleýmettik-ekonomıkalyq damýy jóninde atqarǵan jumystarynyń qorytyndysy boıynsha ótken brıfıngte málimdedi. «Kelýshilerge yńǵaıly jaǵdaı jasaý arqyly, turaqty tabys tabý kózin qalyptastyrý basty maqsatymyz bolyp otyr. Bul tek qala kólemindegi másele emes. Túrkistandy týrıstik óńirge aınaldyrý maqsatynda respýblıka kóleminde jáne oblys ákimdiginiń yqpalymen keshendi jumystar atqarylyp keledi. Máselen, sońǵy 5-6 jyl kóleminde qala aýmaǵynda týrızm salasyn jetildirý úshin 10-ǵa tarta nysan boı kóterdi. Onyń ishinde, óńirimizdegi qasıetti oryndarǵa baratyn joldar salynyp, ınfraqurylymdary qalaptastyryldy. Qalamyzda jalpy sany 22 qonaq úıi jumys isteıdi (978 oryn). Sondaı-aq, qazirgi tańda, Túrkistan qalasy boıynsha «Turan-Saıahat» jáne «Narbekov» týrıstik uıymy saıahatshylarǵa qyzmet kórsetýde», - dedi qala ákimi.
Jýyrda irgeli jobalardyń biri «Rixos Hadisha Turkistan» keshenine jáne «Ákimshilik iskerlik ortalyǵyna» qajetti jer belgilenip, alǵashqy qazyǵy qaǵyldy. Sonymen qatar, ýaqyt ótken saıyn sany artyp jatqan týrıster úshin qalada zamanaýı úlgide táýligine 60 adamǵa qyzmet kórsetý múmkindigi bar jańa «Roıal Grand Hold» qonaq úı kesheni iske qosylǵan. Qala ákimi Á.О́serbaevtyń aıtýynsha, jalpy atqarylǵan jumystardyń nátıjesinde aǵymdaǵy jyldyń 11 aıynda qalanyń óńirlik ónimi 68,1 mlrd teńge bolyp, ótken jyldyń tıisti kezeńimen salystyrǵanda naqty kórsetkish 103,1 % artqan. Al halyqtyń jan basyna shaqqandaǵy JО́О́ 412, 6 myń teńge bolǵan. Sondaı-aq qala ákimi Túrkistannyń áleýmettik-eknomıkalyq áleýetiniń bıylǵy kórsetkishine salalar boıynsha jekeleı toqtalyp, tolyq málimetter berdi.
Ǵalymjan ELShIBAI,
«Egemen Qazaqstan»
Túrkistan oblysy
