Aıadaı aýyldyń ajaryn kirgizgen kásipkerler ákeli-balaly Zakýsılovtar bul hokkeı korty jastardyń salaýatty ómir saltyn ustanyp, jas mamandardyń turaqtanýyna septigin tıgizbek. Joǵary talaptarǵa saı muz aıdyny aýdannyń 90 jyldyq mereıtoıy aıasynda ashylǵan 25 nysannyń sońǵysy.
Sandyqtaý aýdanynda qysqy sport túrleri keń qanat jaıǵan. О́ńirde shańǵy sporty men bıatlonnan jıyrmaǵa tarta respýblıkalyq, halyqaralyq saıystardyń chempıondary bar. Al, jańa muz aıdyny olardyń qataryn hokkeıshiler men konkı sporty sheberlerimen tolyqtyrýǵa jol ashady. Nysan qurylysyna aýyl balalarynyń osy qysqy sport túrlerine qyzyǵýshylyǵy sebepker boldy deıdi jomart kásipker.
Aýyl balalary ózen ústinde konkı tebetin edi. Qaýipti bolǵandyqtan byltyr shaǵyn qorshaýmen muz aıdynyn jasaqtadyq. Meni aýyl balalarynyń qyzyǵýshylyǵy tań qaldyrdy. Olar tipti ata-analarymen kelip konkı tepkenin kórdim. Sondyqtan, osyndaı jabyq kord salýǵa bel býdym,–deıdi Aleksandr Zakýsılov.
Nysannyń ashylý saltanatyna Sandyqtaý men Selınograd aýdandarynyń hokkeı komandalary jáne kókshetaýlyq «Arlan» komandasynyń jetekshileri de qutty bolsyn aıta kelipti. Saltanatty shara sońynda Maksımovka selosynyń hokkeı komandasy óz alańynda joldastyq kezdesý ótkizdi.
Baıqal BAIÁDIL,
«Egemen Qazaqstan»
Aqmola oblysy,
Sandyqtaý aýdany.
