Memlekettik baǵdarlamalardyń 2018 jyly oryndalysy týraly Mańǵystaý oblystyq máslıhatyndaǵy «Nur Otan» partııasy depýtattyq fraksııasynyń jetekshisi Nýrı Týmyshev baıandama jasady. Aıtýynsha, «Nur Otan» partııasy Mańǵystaý oblystyq fılıaly jergilikti atqarýshy organdarmen birlese otyryp, aǵymdaǵy jyldyń mamyr aıynan bastap partııanyń bastamashyl jobalaryn iske asyrýǵa kiristi. Máselen, partııanyń bastamasymen «Balalar úshin aqysyz IT-synyptar» jobasy aıasynda Eýropalyq bilim berý standarttary boıynsha qarapaıym algorıtmder jasaý, baǵdarlamalar, WEB-saıttar, kompıýterlik oıyndar men anımasııalar qurý daǵdylary úıretilmek.
О́ńirimizde 35 IT-synyptary ashylyp, onda 8 jas pen 16 jas aralyǵyndaǵy barlyǵy 1136 (jospar boıynsha 1000) bala qosymsha bilim alyp, robototehnıkamen aınalysýda. Joba jergilikti bıýdjetten jáne demeýshilik qarajattardan qarjylandy. 2019 jyly osyndaı 50 IT-synyp ashylýy josparlanyp otyr.
«IT mamandardy daıyndaý» jobasy boıynsha osy jyly oblystyq jumyspen qamtýdy úılestirý jáne áleýmettik baǵdarlamalar basqarmasymen jospar boıynsha 21 maman daıyndaý kózdelgen bolsa, is júzinde 53 maman daıyndaldy. Partııanyń «IT - ortalyqtar» jobasy aıasynda «Yessenov University» bazasynda zerthana ashylyp, onda stýdentter úshin laboratorııalyq sabaqtar, oqytýshylar úshin biliktiligin arttyrý kýrstary, bakalavrlar men magıstrlardyń kýrstyq jáne dıplomdyq jobalaý boıynsha keńester ótýi, bolashaq IT– mamandardy oqytý kýrstarynyń uıymdastyrylýy josparlanǵan.
Partııanyń «Rýhanı jańǵyrý» sheńberindegi jobalarynyń biri kitaphanalarǵa qatysty. Elimizdiń kitaphanalaryn zamanaýı oqý ortalyǵy retinde qalyptastyrý maqsatynda «Nur Otan» partııasy Mańǵystaý oblystyq fılıaly men oblystyq mádenıet basqarmasymen birlesip, kitaphana qoryn sıfrlandyrýdy qolǵa aldy. Jańa aqparattyq tehnologııalar keńinen paıdalanylyp, oqyrmandar osy jerdegi kitaphanada otyryp, dúnıejúzindegi kitap qoryna qol jetkizýine múmkindik alady.
«Qazaqstan kitaphanalary - bilim ortalyqtary» partııalyq jobasy aıasynda oblystaǵy 4 kitaphanadan: Aqtaý ortalyq qalalyq kitaphanada, Beıneý aýdandyq kitaphanada, Túpqaraǵan aýdany Fort-Shevchenko qalasyndaǵy kitaphanada, aǵymdaǵy jyly qarasha aıynyń 28-kúni Jańaózen qalalyq kitaphanada, barlyǵy 4 KOVORKING- ortalyǵy ashylyp, jastar bos ýaqyttaryn, is-sharalaryn sonda ótkizýde.
- Shaǵyn jáne orta bıznesti qoldaý maqsatynda partııa tarapynan «Bıznes úshin geoaqparattandyrylǵan onlaın servısi» jańa jobasy iske qosylyp, qoldaý tapty. Onyń maqsaty: jalpy el boıynsha kommersııalyq turǵydan usynylatyn bos jer ýchaskeleri týraly olardyń ornalasqan jerimen, ınfraqurylymǵa qosý sharttarymen, aýksıondarǵa qatysý sııaqty aqparattarǵa qol jetkizý úshin Mańǵystaý oblysynyń ákimdigimen birlese otyryp, naqty jelilik keste qurylyp, bekitildi.
О́ńirlerdegi memlekettik-jekemenshik seriktestikti keńeıtý aıasynda «Mektepterdiń sport alańdaryn qaıta qurý» jáne «Mektep ashanalaryn jańǵyrtý» jobalary boıynsha 2018 jyly oblys boıynsha 9 mekteptiń alańy jańartylyp, mektep ashanasy sııaqty múlik basqarýshyǵa senimgerlikpen keminde 5 jylǵa jalǵa beriletin bolady. Jańartylatyn 9 sport alańynyń jeteýi Aqtaý qalasynda, bireýi Jańaózen qalasynda bolsa, endi bireýi Mańǵystaý aýdanynda. Partııanyń mektep ashanasyna jiti kóńil aýdarýynyń basty maqsaty – mektep oqýshylarynyń durys tamaqtanýyn qamtamasyz etý. Bul joba boıynsha oblysta 10 mektep ashanasynyń qujattary ázirlený ústinde, dedi N.Týmyshev.
Interaktıvti gımnastıka, salaýatty taǵamdaný men alǵashqy kómek kórsetýdiń «bes mınýt úzilisteri» - «Tómengi synyp oqýshylary úshin densaýlyq sabaqtary» atty jobasynda osy memlekettik-jekemenshik seriktestikti keńeıtý maqsatynda júrgizilip otyr.
«Úshtildikke kóshý» jobasyn iske asyrylýy maýsym aıynan bastalyp, balalardyń jazǵy demalystary kezde, jazǵy lagerlerde bastaldy. Oblys boıynsha 87 mektepte ornalasqan oqýshylardyń jazǵy demalys ornynda, sondaı-aq qala syrtyndaǵy «Baldaýren», «Alaý» jáne «Flamıngo» atty Aqtaý qalasyndaǵy lagerler jáne Jańaózen qalasyndaǵy «Aqbóbek» lagerinde balalar aǵylshyn tilin úırenýge 4800 bala múmkindik aldy.
Sondaı-aq, osy joba aıasynda partııa «English for Jastar» jobany óńdep, ol boıynsha Jańaózen qalasynda, Beıneý, Mańǵystaý, Munaıly, Qaraqııa, Túpqaraǵan aýdandarynda turatyn jergilikti aýyl balalaryna eriktiler kúshimen aǵylshyn tilin úıretý kýrstary uıymdastyryldy. 10 jergilikti eriktiler 524 balany aǵylshyn tiline oqytyldy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
