«Maǵan 5G qalaı jumys isteıtinin kórsetti. Mysaly, Astanadaǵy xırýrg operasııany júrgizedi, al pasıent Qaraǵandyda. Elordadaǵy dáriger qolyndaǵy djoıstıkti aınaldyrǵan mezette, eshqandaı keshiktirýsiz ekinshi aımaqqa sol sátte-aq aqparat jetip barady. Bolashaqta bul jyldamdyqpen barlyq aqparat beriledi», deıdi Prezıdent.
Sonymen qatar jahandyq básekege qabiletti arttyrý maqsatynda kóptegen mańyzdy sharýlardy qolǵa alynǵanyn jetkizdi.
«Eń bastysy - álemdik damýdan qalys qalmaý qajet. Astana qarjy ortalyǵynyń ashylýy úlken jańashyldyq boldy. Alty startap Eýropanyń úzdik 100 joba qataryna ilikti. Men barlyq yntasy bar jastardyń jańa dúnıe oılap taýyp, ony iske asyrýy úshin zerthana berýdi armandaıtynmyn. Ásirese, medısına salasynda bolatyn jańa dúnıeler meni qatty tań qaldyrdy. Búginde kıberqaýipsizdik – óte mańyzdy másele. Vırýstar bank júıesi men memlekettik organdardyń kompıýterine enip jatady. Bıyl Astana men Almatyny qorǵaıtyn jumystar atqarylýda. Kelesi jyly basqa da aımaqtarda tájirıbeni keńeıtip, odan ári damytamyz», dedi N.Nazarbaev.
Sondaı-aq Elbasy bolashaqtyń negizi jasandy ıntellekte ekenine toqtalyp, ony Qazaqstan durys paıdalanýy tıis ekenin jetkizdi.
