Brıfıng barysynda «Atyraý Sý Arnasy» KMK Jaıyq ózenine tastaıtyn sýdaǵy zııandy zattar kórsetkishteriniń artýyna júrgizgen tekseris qorytyndysy resmı túrde jarııalandy.
Tekserý barysynda aǵymdaǵy jyldyń 14 jeltoqsanynda Departament №1 ónerkásiptik alań - Atyraý qalasyndaǵy sý qubyry tazartý ımarattary (STQ) arqyly Jaıyq ózeni sýynyń synamalaryn iriktep aldy.
- Synaq nátıjeleri boıynsha hlorıdter boıynsha asyp ketý anyqtaldy. Atap aıtqanda, hlorıdterdiń naqty kórsetkishi 505,596 mg/dm3 qurady . Shekti jol beriletin kórsetkish 108 mg/dm3 bolǵanda tógindide asyp ketý 396,6 mg/dm3 qurady. Osylaısha, «Atyraý Sý Arnasy» KMK tarapynan QR Ekologııalyq kodeksiniń tabıǵat paıdalanýshynyń aǵyndy sýlarda lastaýshy zattardyń shoǵyrlanýyn belgilengen normatıvterden asyrmaýy týraly aıtylǵan 225-baby 4-tarmaǵynyń talaptary buzyldy, -dep Atyraý oblysy boıynsha Ekologııa departamentiniń taratylǵan habarlamasynda aıtylǵan. - Sondaı-aq, kásiporyn aǵyndy sýlardy esepke alý jýrnalyn júrgizbegen.
Tekserý nátıjesi boıynsha Departament «Atyraý Sý Arnasy» KMK-ǵa qatysty Qazaqstan Respýblıkasynyń Ákimshilik quqyq buzýshylyq týraly kodeksiniń 328-baby boıynsha belgilengen normatıvten asyp ketkendigi úshin ákimshilik is qozǵady.
Atyraý oblystyq Orman sharýashylyǵy jáne janýarlar dúnıesi aýmaqtyq ınspeksııasy basshysynyń orynbasary Arman Mýldashevtiń aıtýynsha vedomstvoaralyq komıssııa múshelerimen birlesken jumys barysynda Jaıyq ózeninen 4 tonna 165 kg ólgen balyq jınaldy. Bıologııalyq ortaǵa jalpy somasy 4,2 mıllıon teńge shyǵyn keltirilgen.
- Sonymen qatar, biz Jaıyq ózeniniń túbine súńgýir túsirdik, ol 30 metr radıýstaǵy aýmaqty zerttedi. Túsý balyq qystaıtyn «balyq shuńqyrlary» bar eki jerde júrgizildi. О́zen túbinde óli balyq ushasy tabylǵan joq. 19 jeltoqsanda Geolog kentinde balyqtyń qyrylýyna qatysty, bul taıaz sýlarda otteginiń jetispeýinen paıda bolatyn balyqtyń qyrylǵany anyqtaldy, bul – tabıǵı sebep. Geologta aýlanǵan balyqtyń jalpy salmaǵy 230 kg qurady, - dedi Arman Moldashev.
Aıta keteıik, 6-25 jeltoqsan aralyǵyndaǵy kezeńde «Ulttyq saraptama ortalyǵy» ShJQ RMK Atyraý oblystyq fılıaly barlyǵy 84 synama zerttedi, onyń ishinde Jaıyq ózeniniń sýy – 69 synama, STQ sý aǵyzý qudyǵy – 8 synama jáne Atyraý qalasyndaǵy STQ sý qubyrynyń sýy – 7 synama.
- Bakterıologııalyq jáne hımııalyq kórsetkishterge zerthanalyq zertteý nátıjeleri boıynsha barlyq iriktelgen synamalar SanEjN talaptaryna sáıkes keledi, turǵyndardyń densaýlyǵyna qaýip tóndirmeıdi. Sonymen qatar, 8 jeltoqsanda «Ulttyq saraptama ortalyǵy» AF-na Jaıyq ózeninen tiri balyqtyń 7 synamasy alynyp, zerthanalyq zertteýge jiberildi, sáıkes kelmeıtinder joq, - dep qorytyndy shyǵardy Ekologııa departamenti.
Qazirgi ýaqytta ekologııa departamenti men quqyq qorǵaý organdary Jaıyq ózenine sý aǵyzýdy júzege asyratyn taǵy úsh kásiporyndy tekserýdi jalǵastyrýda. Sonymen, Jaıyq ózeninde balyqtyń jappaı qyrylýynyń sebebi men kináliler qylmystyq isti tergeý aıaqtalǵannan keıin anyqtalatyn bolady.
