Atap aıtqanda bıylǵy álem chempıonatynda qazaqstandyq Sábıt Júsipov qola júldeger atansa, jastar arasyndaǵy dúnıejúzilik dodada Eljan Gasanov top jardy. Atalǵan sportshylardy qalalyq federsııa basshylyǵy saltanatty túrde marapattady. Federasııa prezıdentiniń orynbasary Maqsat Qadyrbaev jyldyń úzdik sportshylaryna 100 myń teńgeden syıaqy ustatty. Dál osyndaı marapatqa Reseıde ótken halyqaralyq jarystyń jeńimpazy Ramazan Balabekov, mýaıtaıdan Azı chempıony Nurtaza Jumaqanov, mýaıtaıdan álem chempıony Almaz Sársembekov jáne pankratıonnan halyqaralyq jarystarda aldyna jan salmaı júrgen Muhammed Meıramov ıe boldy. Olardy daıyndaǵan bapkerler quramy da nazardan tys qalmady. Atap aıtqanda, Máýlen Alendın, Nurtas Álimbaev jáne «Tobet top team» jekpe-jek akademııasynyń negizin salýshy Dıas Kabdýovtarǵa erekshe qurmet kórsetilip, aqshalaı syıaqy berildi.
Federasııa basshylyǵy jyldyń qorytyndylaı kele kórsetkishterge «jaqsy» degen baǵa berdi. Endi aldaǵy jyly osy qarqynnan taımaı, budan kóp medal enshileý maqsaty tur. Halyqaralyq jarystardan bólek, Astana qalasynyń sportshylary el chempıonatynda da úzdikter qatarynda. Sonyń arqasynda 2019 jylǵy Qazaqstan birinshiligin ótkizý qurmeti elordaǵa berildi. Saltanatty jıyn sońynda aldaǵy jyldaǵy osy jáne ózge de jarystarǵa daıyndyq barysy talqylanyp, naqty jospar bekitildi.
