FMI bas atqarýshy dırektory Andre Kalantzopýlos quramynda nıkotın bar tútinsiz ónimderge qatysty óz oıyn bildirip, keleshekte shylym shegetinder balamaly ónimderdi tutynýǵa kóshetindigine toqtaldy. FMI tarapynan kóptegen jyldar boıy júrgizilgen zertteýler 2014 jyly naryqqa IQOS júıesin engizdi. Onyń negizgi sebebi bolyp densaýlyqqa tónetin qaýip-qaterlerdi barynsha azaıtý. Búginde dúnıe júzi boıynsha shylym shegýshilerdiń basym kópshiligi IQOS-ty paıdalanýǵa kóshken.FMI-diń ǵylymı jáne qoǵamdyq kommýnıkasııalary boıynsha vıse-prezıdenti, farmasevtıka ǵylymdarynyń doktory Moıra Gılkrısttyń jobalaýy boıynsha 2025 jylǵa qaraı álem boıynsha 40 mln-nan astam shylym shegýshi sıgaretterdiń balamaly túrlerine aýysatyn bolady.
Ǵylymı zertteýler IQOS-ty paıdalaný kezinde qaýipti ári ýly gaz bólinbeıtindigin kórsetedi.
FMI-diń medısınalyq departamentiniń basshysy Frank Lıýdıkeniń aıtýynsha, barlyq zerteýler qorytyndysy shylym shegýden týyndaıtyn aýrýlar men qaýip-qaterdiń aldyn alý ári ony tómendetýge yqpal etý. Kompanııanyń ǵylymı jumystary qaýip-qaterlerdi tómendetýmen baılanysty bolǵanymen, onyń múldem joq dep eseptemeıdi. Temekiniń quramynda daǵdylanýdy qozdyratyn nıkotın bar. IQOS-ty paıdalaný densaýlyqqa zııan. Biraq másele zertteý nátıjeleri kórsetip otyrǵanyndaı, sıgaretterge qaraǵanda zııany áldeqaıda az.
Álemniń tútinsiz ónimderdi tolyqqandy qabyldaýyna áli erte bolǵanymen, jańa tehnologııalyq zertteýler uzaq teserýlerden ótýi tıis. Ári olar arzanǵa túspeıdi. Sondyqtan da shylym shegýshiler óz densaýlyǵy jaıynda oılanýy tıis.
Elvıra SERIKQYZY,
«Egemen Qazaqstan»
ALMATY
