Elbasymyz Nursultan Nazarbaev 2017 jyly ótken Dúnıejúzi qazaqtarynyń V quryltaı jıynynda shette júrgen qandastarymyz jaıly sóz ete otyryp, Prezıdent Ákimshiligi jáne Úkimetke birneshe naqty tapsyrma júktegen bolatyn. Sonyń biri buǵan deıin Almaty qalasynda jumys júrgizip kelgen Qaýymdastyq keńsesin elordaǵa kóshirý edi. Bul sharýa qazir tolyq oryndaldy deýge bolady. Sonymen qatar Nursultan Ábishuly shettegi jáne elge kóship keletin aǵaıyndy qoldaý úshin «Otandastar» qoryn quryp, sol arqyly Dúnıejúzi qazaqtary qaýymdastyǵymen birlesip, otandastarǵa jan-jaqty qoldaý men kómek berýdiń is-sharalaryn anyqtap, soǵan sáıkes keshendi baǵdarlama ázirlesin degen bolatyn.
Qazirgi tańda qor qurylyp, óz jumysyn bastap ketti. Sonyń bir dáleli, jýyqta kórshi Reseı Federasııasynda ómir súrip jatqan qandastarymyz Omby qalasynda bas qosyp, jıyn ótkizdi. 2019 jyldyń qańtar aıynan bastap «Otandastar» qory keshendi túrde jumysyn bastady.
Aldaǵy jyly atqarylar taǵy bir úlken is – «Kóshi-qon týraly» Zańǵa ózgertýler men tolyqtyrýlar engizý máselesi kún tártibine qoıylyp, bul qujat halyqaralyq kóshi-qon standarty negizinde jetildiriledi dep kútilýde. Iаǵnı, alda qabyldanatyn jańa zań arqyly ishki jáne syrtqy kóshi-qon máselesinde oryn alyp otyrǵan keıbir keleńsizdik toqtatylary anyq.
Muhıt IZBANOV,
Dúnıejúzi qazaqtary qaýymdastyǵy Tóraǵasy birinshi orynbasarynyń keńesshisi
