Aǵymdaǵy jyldyń basynan (2018j. jeltoqsan 2017j. jeltoqsanǵa) baǵanyń ósýi qyryqqabatqa – 31%, qantqa – 20,9%, máıekti irimshikke – 11,9%, qus etine – 10,4%, konservilengen sútke – 10,3%, sary maıǵa – 10,1%, jylqy etine – 9,6%, jańa saýylǵan sútke – 7,8%, kúnbaǵys maıyna – 7,4%, shujyq ónimderine – 7,2%, qyshqyl sút ónimderine – 7%, et ónimderine – 6,9%-ǵa, shoshqa etine, sıyr etine – 6,7%-dan, kondıterlik ónimderge 6,6%-ǵa belgilendi. Baǵanyń tómendeýi kartopqa – 26,7%, qaraqumyq jarmasyna – 21,6%, basty pııazǵa – 18,4%, sábizge 16,3%-ǵa tirkeldi.
Baǵa ósimi avtomobılderge – 8,5%, qurylys materıaldaryna – 8,1%-ǵa, farmasevtıkalyq ónimderge, kıim jáne aıaq kıimge, turmystyq aspaptarǵa – 7,8%-dan, toqyma buıymdaryna – 7,7%, jeke qoldanatyn taýarlarǵa – 6,8%, jýǵysh jáne tazalaǵysh quraldarǵa – 6,6%, keńse taýarlaryna – 5,9%, jıhaz jáne úıge qajetti zattarǵa 5,4%-dy qurady. Dızel otyny – 29,6%, ballondaǵy suıytylǵan gaz 6%-ǵa qymbattady, al benzın 2,8%-ǵa arzandady.
Baǵa deńgeıi kabeldik televızııa qyzmetterine – 12,1%, densaýlyq saqtaý qyzmetterine – 7,1%, shashtarazdar men jeke qyzmet kórsetý oryndary qyzmetterine – 6,1%-ǵa, quqyqtyq, jeke kólik quraldaryn saqtandyrý qyzmetterine – 6%-dan, qoǵamdyq tamaqtandyrý qyzmetterine – 5,8%, mektepke deıingi balalar mekemesiniń qyzmetterine 5,7%-ǵa ósti. Jolaýshylardyń áýe kóligimen jol júrý aqysy – 16,4%, temir jol kóligimen – 12,2%, qalaaralyq avtobýs – 7,9%, ishki qalalyq avtobýspen 4,9%-ǵa qymbattady.
Turǵyn úı-kommýnaldyq qyzmetter salasynda tarıfter kárizge – 3,1%, sýyq sýǵa – 3%, taratý jelileri arqyly tasymaldanatyn gazǵa – 2,7%-ǵa, ortalyqtan jylytýǵa, turǵyn úıdi kútip ustaýǵa – 2,6%-dan, ystyq sýǵa – 2,2%, elektr energııasyna 1,1%-ǵa ósti.
Inflıasııa deńgeıin sıpattaıtyn tutyný baǵasynyń ındeksi halyqtyń jeke tutyný úshin satyp alatyn taýarlary men qyzmetteri baǵasynyń ózgerýin kórsetedi. Taýarlar men qyzmetter jıyntyǵyna 510 pozısııa kiredi. Baǵany tirkeý menshiktiń túrli nysandaryndaǵy saýda jáne qyzmet kórsetý salasy kásiporyndarynyń irikteme júıesi boıynsha barlyq oblys ortalyqtarynda, astanada jáne qalalar men aýdan ortalyqtarynyń belgilengen sheńberi boıynsha júrgiziledi. Biriktirý úshin paıdalanylatyn salmaq júıesi olardyń shyǵystary bóliginde ótken jylǵy úı sharýashylyqtaryn zertteý materıaldary negizinde esepteledi.
2018 jylǵy qańtardan bastap TBI–di eseptegende azyq–túlik taýarlarynyń úlesi 37,8%, azyq–túlik emes taýarlar – 30,1%, aqyly qyzmetter – 32,1%–dy qurady.
