A.Dármenov 1978 jyly Qostanaı oblysynda dúnıege kelgen. QR IIM Almaty zań ınstıtýtyn, IIM akademııasynyń adıýntýrasyn bitirgen. Zań ǵylymdarynyń kandıdaty. 2008 jyly Germanııadaǵy Dj.K.Marshal atyndaǵy Eýropalyq qaýipsizdik máseleleri jónindegi zertteý ortalyǵynda bilimin jetildirip, 2012 jyly «Bolashaq» baǵdarlamasymen Ulybrıtanııanyń Kembrıdj ýnıversıtetin aıaqtaǵan.
Sonymen qatar onyń ǵylymı-oqytýshylyq salada da mol tájirıbesi bar. Qatardaǵy tergeýshi qyzmetinen QR IIM Kadrlyq saıasat departamentiniń basshysy qyzmetine deıingi laýazym jolynan ótken.
Al akademııanyń buǵan deıingi bastyǵy polısııa general-maıory D.Kenjetaev ishki ister organdarynan bosatyldy.
Aıta ketý kerek, jańa jyl merekesi qarsańynda áleýmettik jelide polısııa kıimindegi qyzmetkerdiń quttyqtaýy tarady. QR IIM Qaraǵandy akademııasy birinshi kýrs basshysynyń orynbasary A.Tastaıbekov quttyqtaý sózinde qylmys áleminiń adamdary jıi paıdalanatyn sózderdi aıtqany úshin jurtshylyqtyń synyna ushyrap, ile-shala qyzmetinen qýyldy.
