Belsendi jastar tańerteńnen shaǵyn avtobýspen qala ishin aralap, jumys jasap jatqan qyzmetkerlerge tiskebasar usynyp, sháıǵa shaqyrdy. Odan bólek jumys toqtap qalmas úshin qoldaryna kúrek alyp, jol jıekterindegi qardy tazalap, jaıaýjoldardy muzdan tazartýǵa kómektesti.
«Byltyr jastar Jańa jyldyq mereke kezinde ózgeler demalyp jatqanda jumysy toqtamaıtyn kommýnaldy qyzmetkerlerdiń jumysyna alǵys aıtý maqsatynda osy aksııany bastap edi. Keıinirek elimizdiń barlyq jastary qosylyp, ár aımaqta ystyq sháı berý sharalary kóbeıdi. Ásirese Astana, Aqmola, Soltústik, Shyǵys Qazaqstan sekildi qysy qatty aımaqtarda aıaz kezinde bir top jastar kóshelerge shyǵyp, ózgelerge kómekteskeni qýantady» - dedi «Jas Otan» Jastar qanatynyń Tóraǵasy Danııar Súndetbaev.
Esterińizge sala ketsek, aksııa Astana qalasynda byltyr týra osy ýaqytta bastalyp, elimizdiń barlyq aımaqtarynda jalǵasyn taýyp edi. Jastar Jańa jyl sekildi otbasylyq merekeni ár adam jaqyndarymen qarsy alsa deıdi, al ol múmkin bolmaǵan jaǵdaıda jaqsy adamdarmen jáne keremet kóńil kúıde bolý kerektigine senimdi.
Qatysýshylar úshin sharanyń eń keremet kezi qyzmetkerlerdiń kútpegen jerden paıda bolǵan bizge shynaıy kúlki syılap, alǵystaryn jaýdyrǵan sáti deıdi. Arasynda batasyn berip, kúndelikti kezdesetin qıyndyqtarymen bólisetinderi de az emes eken.
