Myńdaǵan altynmen qaptalǵan Altyn adam kıimi jeıde, etik, bas kıimnen turady. Odan bólek qazba jumystarynda tabylǵan altyn syrǵalar men saqınalar da oǵan tıesili degen boljam bar.
Ǵalymdar «Qazaqstannyń Týtanhamony» atap ketken Altyn adam – 18 jasar saq sarbazy.
«Altyn adamnyń kostıými sol dáýirdegi erekshe sheberlikti kórsetedi. Batyr saýyty batterlik, mórtaban, kesý jáne túıirshikteý ádisterimen jasalǵan. Sonymen qatar, kostıýmnen qabylannyń, buǵynyń, taý eshkisiniń, jylqynyń, basqa da kóptegen ań-qustyń beınesin kórýge bolady», deıdi Ulttyq mýzeıdiń «Halyq qazynasy» ǵylymı-zertteý ınstıtýty basshysy Aqan Ońǵaruly Daily Sabah-qa bergen suhbatynda.
Budan bólek Daily Sabah Altyn adamdy zertteý saq dáýiriniń altyn óndirisimen qosa mádenıeti men basqa da qupııalaryna jol ashty deıdi. Aqan Ońǵarulynyń aıtýynsha, bul jádiger – saq qoǵamynyń altyn óndirip, kenmen aınalysqanynyń kórsetkishi.
Qazba jumysynan tabylǵan qundy zattarǵa qaraǵanda, Altyn adam erte temir ne kúmis dáýirinde ómir súrdi degen boljam bar.
Sóz sońynda túrik gazeti Altyn adam denesiniń bıyl saq dástúrimen jer qoınaýyna tapsyrylatynyn aıtqan.
