Osydan dál 40 jyl buryn shańyraq kótergen «Áziret Sultan» memlekettik tarıhı-mádenı qoryq-mýzeıi - qazirgi tańda elimizdegi eń tanymal mádenı oshaqtardyń biri. Onda arheologııa jáne eskertkishterdi qorǵaý, ǵylymı-zertteý, qor saqtaý, ekskýrsııa jáne nasıhat, sharýashylyq qatarly bólimder bar. Alǵash qurylǵanda mekemeniń jádiger qory shamamen 700 birlik bolsa, qazirgi sany – 24 421 dana.
Qoryq-mýzeıdiń tarıhı tamyryn tereńdetip turǵan: Úkasha ata, Júsip ata, Gaýhar ana keseneleri men Saýran qalashyǵy týrıster taban tireıtin kórikti nysan desek, mýzeı qorynda saqtalǵan asa qundy dúnıeler: HIV ǵasyr týyndylary – taıqazan, týdyń usharyndaǵy laýha, kóne shyraǵdan (sýrette) men Iаsaýıdiń «Dıýanı hıkmet» kitabynyń tupnusqasyn qyzyqtaýshylar óte kóp.
О́tken jyl bul muralardy 1 095 533 adam kelip tamashalapty. Sondaı-aq joǵarydaǵy tarıhı nysandardyń úsh tilde jasalǵan 3D týr tanystyrylym nusqasy da týrıst tartýǵa qolaıy. Erekshelep aıtýǵa turatyn oqıǵa qoryq-mýzeı tarıhta tuńǵysh ret Túrkııa, Grekııa, Reseı, О́zbekstan qatarly elderge kóshpeli kórme uıymdastyrǵan.
– Memleket basshysynyń «Uly dalanyń jeti qyry» baǵdarlamalyq maqalasyn jandandyrý maqsatynda bıyl «Han meshiti», «Han ordasy» «Kúltóbe qalashyǵy», «Jeti ata», «Darbaza», «Músálla», «Tákııa» qaqpalary qalpyna keltirilip, ortaǵasyrlyq magıstraldy júıelerge qazba jumystary júrgizilip, saýda-sattyq oryndary týrısterge qyzmet kórsetetin bolady, – dedi jıyndy qorytyndylaǵan mekeme basshysy Nurbolat Ahmetjanov.
Beken QAIRATULY,
«Egemen Qazaqstan»
