Senat Tóraǵasy sırek kezdesetin jáne quryp ketý qaýpi tóngen jabaıy ańdar men aqbókenderdi brokonerlerden qorǵaǵan qoryqshyny batyl adam dep atady.
«Erlan Nurǵalıev elimizdiń qasıetti ańyn qorǵap qaza tapty. Imandy bolsyn! Buzaqylar men olardyń jaqtaýshylary mindetti túrde jazasyn alýy tıis. Batyrymyzdyń erligi máńgi este qalady», dep jazdy Qasym-Jomart Toqaev Twitter paraqshasynda.
Buǵan deıin habarlanǵandaı, Bas prokýror Qaırat Qojamjarov qaraǵandylyq qoryqshylardyń qylmysty isin óz baqylaýyna aldy. Inspektorǵa shabýyl jasaǵan barlyq qylmyskerler anyqtaldy.
Eske sala keteıik, brakonerlermen qaqtyǵysta aýyr jaraqat alǵan «Ohotzooprom» О́B» RMQK ınspektory Erlan Nurǵalıev 15 qańtarda Astananyń №1 aýrýhanasynda kóz jumdy. Bul jaıynda AShM Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet habar taratqan edi.
Erlan Balǵabekuly 1966 jyly Aqmola oblysynda dúnıege kelgen. Mamandyǵy – dene shynyqtyrý jáne áskerı daıyndyq pániniń oqytýshysy. 2012 jylǵy naýryzdan bastap «Ohotzooprom» О́B» RMQK Qaraǵandy tirek pýnktinde ortalyq aımaqtyq fılıaldyń ınspektory qyzmetin atqardy.
