Qazaqstan Respýblıkasynyń Zańy №521-IV QRZ

Sársenbi, 11 qańtar 2012 7:51

Qazaqstan Respýblıkasy memlekettik táýelsizdiginiń jıyrma jyldyǵyna baılanysty raqymshylyq jasaý týraly
Osy Zań Qazaqstan Respýblıkasy memlekettik táýelsizdiginiń jıyrma jyl­dyǵyna baılanysty, izgilik qaǵı­daty basshylyqqa alyna otyryp qa­byldandy.
1-bap. Osy Zańda paıdalanylatyn uǵymdar
Osy Zańda mynadaı uǵymdar paıdalanylady:
1) osy Zańnyń 2-baby 1-tarmaǵy 1) tarmaqshasynda atalǵan adamdar – qyl­mys jasaǵan kezinde on segiz jasqa tolmaǵan adamdar;
2) osy Zańnyń 2-baby 1-tarmaǵy 2) tarmaqshasynda atalǵan adamdar:
osy Zań qoldanysqa engiziletin kún­ge júkti áıelder;

Sársenbi, 11 qańtar 2012 7:51

Qazaqstan Respýblıkasy memlekettik táýelsizdiginiń jıyrma jyldyǵyna baılanysty raqymshylyq jasaý týraly
Osy Zań Qazaqstan Respýblıkasy memlekettik táýelsizdiginiń jıyrma jyl­dyǵyna baılanysty, izgilik qaǵı­daty basshylyqqa alyna otyryp qa­byldandy.
1-bap. Osy Zańda paıdalanylatyn uǵymdar
Osy Zańda mynadaı uǵymdar paıdalanylady:
1) osy Zańnyń 2-baby 1-tarmaǵy 1) tarmaqshasynda atalǵan adamdar – qyl­mys jasaǵan kezinde on segiz jasqa tolmaǵan adamdar;
2) osy Zańnyń 2-baby 1-tarmaǵy 2) tarmaqshasynda atalǵan adamdar:
osy Zań qoldanysqa engiziletin kún­ge júkti áıelder;

osy Zań qoldanysqa engiziletin kún­ge ata-ana quqyqtarynan aıy­rylmaǵan jáne on segiz jasqa tolmaǵan balalary, onyń ishinde asyrap alǵan ne qor­ǵanshylyqqa jáne (nemese) qamqorshy­lyqqa alǵan balalary bar ne qamal­ǵanǵa jáne sottalǵanǵa deıin asyraýynda jastaryna qaramastan I jáne II toptardaǵy múgedek balalary bolǵan áıelder;
osy Zań qoldanysqa engiziletin kezge kámeletke tolmaǵan balalardyń jal­ǵyz ata-anasy bolyp tabylatyn jáne ata-ana quqyqtarynan aıyrylmaǵan er adamdar;
3) osy Zańnyń 2-baby 1-tarmaǵy 3) tarmaqshasynda atalǵan adamdar – osy Zań qoldanysqa engizilgenge deıin Qa­zaqstan Respýblıkasynyń zańnamasyn­da belgilengen tártippen I, II jáne III toptaǵy múgedekter dep tanylǵan adamdar;
4) osy Zańnyń 2-baby 1-tarmaǵy 4) tarmaqshasynda atalǵan adamdar – osy Zań qoldanysqa engizilgenge deıin elýge tolǵan jáne odan joǵary jastaǵy áıelder, alpys úshke tolǵan jáne odan joǵary jastaǵy er adamdar;
5) osy Zańnyń 2-baby 1-tarmaǵy 5) tarmaqshasynda atalǵan adamdar – Uly Otan soǵysynyń qatysýshylary men múgedekteri jáne olarǵa teńestirilgen adamdar;
6) osy Zańnyń 2-baby 1-tarmaǵy 6) tarmaqshasynda atalǵan adamdar – Qarýly Kúshterdiń, basqa da áskerler men áskerı quralymdardyń, onyń ishin­de burynǵy KSR Odaǵynyń, áske­rı nemese ınternasıonaldyq boryshyn atqarý kezinde qaza tapqan nemese habar-osharsyz ketken áskerı qyzmet­shileriniń basqa tirkelgen nekege tur­maǵan jesirleri, sondaı-aq soǵys múgedekteriniń jáne olarǵa teńes­tiril­gen adamdardyń áıelderi.
2-bap. Jazadan bosatylatyn adamdar
1. Onsha aýyr emes jáne aýyrlyǵy ortasha qylmystar úshin sottalǵan adamdar:
1) kámeletke tolmaǵandar;
2) júkti áıelder, kámeletke tolmaǵan nemese I jáne II toptardaǵy múgedek balalary bar áıelder, sondaı-aq ká­me­letke tolmaǵan balalardyń jalǵyz ata-anasy bolyp tabylatyn er adamdar;
3) I, II jáne III toptaǵy múgedekter;
4) elýge tolǵan jáne odan joǵary jastaǵy áıelder, alpys úshke tolǵan jáne odan joǵary jastaǵy er adamdar;
5) Uly Otan soǵysynyń qaty­sýshylary men múgedekteri jáne olar­ǵa teńestirilgen adamdar;
6) áskerı jáne ınternasıonaldyq boryshyn atqarý kezinde qaza tapqan áskerı qyzmetshilerdiń jesirleri, son­daı-aq kúıeýleri soǵys múgedekteri jáne olarǵa teńestirilgen adamdar bolyp tabylatyn áıelder jazadan bosatylady.
2. Osy baptyń 1-tarmaǵynyń qolda­nylý aıasyna jatpaıtyn, onsha aýyr emes jáne aýyrlyǵy ortasha qyl­mystar úshin sottalǵan adamdar, eger olar taǵaıyndalǵan jaza merziminiń keminde tórtten bir bóligin ótegen bolsa, bas bostandyǵynan aıyrý túrindegi jazadan bosatylady.
3. Osy baptyń 1 jáne 2-tarmaq­tary­nyń qoldanylý aıasyna jatpaıtyn adamdar:
1) Qazaqstan Respýblıkasy Qylmys­tyq kodeksiniń 63-baby qoldanyla otyryp, sot úkimi boıynsha bas bostan­dyǵynan aıyrý túrindegi jaza ta­ǵaıyn­dalyp, onsha aýyr emes jáne aýyrlyǵy ortasha qylmystar úshin sottalǵan adamdar, Qazaqstan Respýblıkasy Qylmystyq kodeksiniń 70 jáne 73-baptarynyń negizinde sot taǵaıyndaǵan jazasyn óteýden bosa­tylǵan adamdar, sondaı-aq Qazaqstan Respýblıkasy Qylmystyq kodeksiniń 71-baby qoldanyla otyryp, sot taǵaıyndaǵan jazasy neǵurlym jeńil jaza túrine aýystyrylǵan adamdar;
2) Qazaqstan Respýblıkasy Qylmys­tyq kodeksiniń 72-babyna sáıkes sot úkiminiń oryndalýy keıinge qaldy­rylǵan, onsha aýyr emes jáne aýyr­lyǵy ortasha qylmystar úshin bas bostandyǵynan aıyrýǵa sottalǵan júkti áıelder jáne jas balalary bar áıelder, jas balalardy jalǵyz ózi tárbıeleıtin er adamdar;
3) onsha aýyr emes jáne aýyrlyǵy ortasha qylmystar úshin bas bostan­dyǵynan aıyrýǵa baılanysty emes jaza túrlerine sottalǵan adamdar, eger bul jaza negizgi jaza túrinde qol­danylǵan bolsa, jazadan bosatylady.
3-bap. Jaza merziminiń ótelmegen bóligin qysqartý
Onsha aýyr emes jáne aýyrlyǵy ortasha qylmystar úshin bas bostan­dyǵy­nan aıyrýǵa sottalǵan, osy Zańnyń 2-babynyń negizinde jazadan bosatýǵa jatpaıtyn adamdardyń jazasynyń ótelmegen bóliginiń jartysy qys­qartylady.
4-bap. Qylmystyq isterdi qoz­ǵaý­dan bas tartý jáne olardy toqtatý
Osy Zań qoldanysqa engizilgenge deıin jasalǵan, olar úshin bes jylǵa deıin bas bostandyǵynan aıyrý jazasy nemese bas bostandyǵynan aıyrýǵa baılanysty emes jaza kózdelgen onsha aýyr emes jáne aýyrlyǵy ortasha qylmystar týraly qylmystyq ister jáne sottar qaramaǵan ister Qazaqstan Respýblıkasynyń qylmystyq is júr­gizý zańnamasynda kózdelgen tártippen is qozǵaýdan bas tartylýǵa jáne is júrgizilýi toqtatylýǵa jatady.
Osy Zań qoldanysqa engizilgenge deıin bólimdi nemese qyzmet ornyn óz betimen tastap ketken áskerı qyzmet­shiler, eger olar osy Zań qoldanysqa engizilgennen keıin alty aıdan keshik­peı áskerı basqarý, áskerı polısııa organdaryna nemese quqyq qorǵaý organdaryna kinásin moıyndap kelse, qyl­mystyq jaýaptylyqtan bosatylady.
5-bap. Raqymshylyq jasaýdy qol­daný sharttary
1. Osy Zańnyń 2-babynyń 1-tar­maǵynda atalǵan adamdarǵa qatysty raqymshylyq jasaýdy qoldaný úshin olardyń mártebesin rastaıtyn qujat­tardyń bolýy mindetti.
2. Osy Zańnyń 2-babynyń 2-tarma­ǵynda jáne 3-babynda kózdelgen jaza merziminiń bir bóligin óteý osy Zań qoldanysqa engiziletin kúnge esep­teledi.
3. Qylmystardyń jıyntyǵy bolǵan kezde, eger olardyń bireýi aýyr nemese asa aýyr qylmys bolyp tabylsa, ra­qymshylyq jasaý qoldanylmaıdy.
4. Raqymshylyq jasaý aıasyna jat­qyzylǵan adamdar negizgi jazadan bosatylady.
5. Osy Zańdy qoldaný kezinde sot­tylyqty alyp tastaý Qazaqstan Respýblıkasy Qylmystyq kodeksiniń 77-babynda belgilengen jalpy negizderde júrgiziledi.
6. Eger ózine qatysty raqymshylyq jasaý qoldanylýy múmkin adam buǵan qarsy bolǵan jaǵdaıda, raqymshylyq jasaý qoldanylmaıdy.
6-bap. Qazaqstan Respýblı­kasy­nyń sottary sottaǵan, biraq jazasyn onyń sheginen tys jerlerde ótep júrgen adamdarǵa raqym­shy­lyq jasaýdy qoldaný
Qazaqstan Respýblıkasynyń sottary sottaǵan, biraq jazasyn onyń she­ginen tys jerlerde ótep júrgen adam­darǵa raqymshylyq jasaýdy qoldaný týraly máseleni Qazaqstan Respýblıkasy qa­tysýshysy bolyp tabylatyn halyq­aralyq sharttardyń negizinde, aýmaǵynda sot úkimin oryndaý júzege asyrylyp jatqan memlekettiń quzy­retti orga­nynyń usynýy boıynsha Qazaqstan Res­pýblıkasynyń sottary sheshedi.
Qazaqstan Respýblıkasy tıisti ha­lyqaralyq sharttar jasaspaǵan shet memleketterden bas bostandyǵynan aıyrý túrindegi jazany odan ári óteý úshin Qazaqstan Respýblıkasyna beril­gen adamdarǵa raqymshylyq jasaý mundaı adamdardy bergen memleket­terdiń quzyretti organdarynyń keli­simimen ǵana qoldanylady.
7-bap. Osy Zańdy qoldaný tártibi
1. Osy Zańnyń 2 jáne 3-baptaryn qoldaný sottalǵan adamdar jazalaryn ótep jatqan jerdegi sottarǵa júk­teledi.
2. Osy Zańnyń 4-babyn qoldaný qyl­­mystyq prosesti júrgizýshi organ­darǵa júkteledi.
3. Osy Zańdy qoldaný prokýror sanksııa bergen qylmystyq prosesti júrgizýshi organnyń (laýazymdy adam­nyń) qaýlysy negizinde, sondaı-aq sot qaýlysy negizinde júrgiziledi.
4. Jazany oryndaýshy mekemeler men organdar osy Zańnyń ýaqtyly oryndalýyn qamtamasyz etý maq­satynda sottarǵa mynadaı qujattardy:
1) jazany odan ári óteýden bosatý týraly ne taǵaıyndalǵan jaza mer­zimin qysqartý týraly usynymdy;
2) sot úkiminen úzindi kóshirmeni (oǵan engizilgen ózgeristerimen qosa, eger sondaı ózgerister oryn alǵan bolsa);
3) osy Zań qoldanysqa engiziletin kezge jazanyń ótelgen jáne qalǵan merzimi týraly málimetterdi;
4) sottalǵan adamnyń jeke nemese baqylaý isin;
5) osy Zańnyń 2-babynyń 1-tar­maǵynda atalǵan adamdardyń márte­besin rastaıtyn qujattardy usynýǵa mindetti.
5. Sottar osy Zańdy qoldanǵan kezde prokýrordyń qatysýy mindetti.
8-bap. Osy Zańnyń oryndalý mer­zimi
7-baptyń 1 jáne 2-tarmaqtarynda kórsetilgen organdar osy Zań qol­danysqa engizilgen kúnnen bastap alty aı ishinde onyń oryndalýyn qam­tamasyz etýge mindetti.
9-bap. Osy Zańdy qoldanysqa engizý tártibi
Osy Zań alǵashqy resmı jarııa­lanǵanynan keıin kúntizbelik on kún ótken soń qoldanysqa engiziledi.
10-bap. Osy Zańdy iske asyrý jó­nindegi sharalar
Qazaqstan Respýblıkasynyń Úkimeti jáne oblystardyń, respýblıkalyq ma­ńyzy bar qala men astananyń jer­gilikti atqarýshy organdary:
1) raqymshylyq jasaý boıynsha jazadan bosatylǵan jáne zaıyby (ju­baıy) nemese jaqyn týystary joq I jáne II toptaǵy múgedekter men ja­synyń egde tartýyna baılanysty ózin-ózi kúte almaıtyn adamdardy sta­sıonarlyq úlgidegi medısınalyq-áleý­mettik mekemelerge (uıymdarǵa) ornalastyrý;
2) bosatylǵan kámeletke tolma­ǵan­dardy ata-analarynyń nemese olardyń ornyndaǵy adamdardyń ne maman­dan­dyrylǵan memlekettik organnyń qadaǵalaýyna berý;
3) sot úkimimen taǵaıyndalǵan, osy Zań qoldanysqa engiziletin kezde úkimdi oryndaý barysynda aıaqtalmaı qalǵan em qabyldaýdyń jalǵastyrylýyn qamtamasyz etý;
4) raqymshylyq jasaý boıynsha jazadan bosatylǵandardy belgili bir turǵylyqty jeri joq adamdarǵa arnal­ǵan áleýmettik beıimdeý ortalyq­ta­ryna ornalastyrý jóninde sharalar qoldansyn.

Qazaqstan Respýblıkasynyń Prezıdenti N. NAZARBAEV.
Astana, Aqorda, 2011 jylǵy jeltoqsannyń 28-i.