Orazaqyn Asqar 1935 jyly 16 mamyrda Shyǵys Túrkistan ólkesiniń Ile aımaǵyna qarasty MúkeıQaratas degen jerde týǵan. Bastaýysh bilimdi Sarybulaq mektebinde alyp, Qulja qalasyndaǵy «Bilim jurty» dep atalatyn gımnazııada oqyǵan. 1951 jyly Úrimshi qalasynda ashylǵan Ulttar ınstıtýtynyń til jáne ádebıet fakýltetine túsip, onyń ekinshi kýrsyn aıaqtaǵannan keıin «Shyńjań gazeti» redaksııasyna qyzmetke turdy. Bul jyldary sol gazetke jáne «Shuǵyla» jýrnalyna óleńderi jıi jarııalana bastaıdy.
1955 jyly atamekeni Qazaqstanǵa kóship kelip, 1961 jyly Qazaq Memlekettik ýnıversıtetiniń fılologııa fakýltetin bitirip shyǵady. 1955 jyly jaryq kórgen «Qos júrek» atty jas aqyndardyń ujymdyq jınaǵyna óleńderi engen.
Biraz jyl Qazaq KSR Ǵylym akademııasynyń Sh.Ýálıhanov atyndaǵy Tarıh, etnografııa jáne arheologııa ınstıtýtynda kishi ǵylymı qyzmetker, odan keıin Qazaqstan Jazýshylar odaǵynyń kórkem ádebıetti nasıhattaý bıýrosynda nusqaýshy, respýblıkalyq Kitap palatasynda bólim meńgerýshisi, «Jalyn» baspasynda aǵa redaktor bolǵan. Qazaqtyń qara óleńin jınap, eki tomyn bastyrdy.
«Balaýsa» baspasynda «Ádebı mura» baǵdarlamasyna oraı «Álem balalar ádebıetiniń» qazaq tilindegi elý tomdyǵyn shyǵarý jumysyna atsalysqan.
1996 jyldan Qazaqstan Jazýshylar odaǵy basqarmasynyń múshesi. Halyqaralyq «Alash» ádebı syılyǵynyń laýreaty. «Eren eńbegi úshin», «Táýelsizdikke 10 jyl» medaldaryna ıe bolǵan. Muqaǵalı atyndaǵy syılyqtyń ıegeri. Panfılov aýdanynyń Qurmetti azamaty.
