Búgin oqıǵaǵa oraı resmı bılik ókilderi túsinikteme berip, mán-jaıdy habarlady.
- 23 qańtar kúni Talǵar aýdandyq ortalyq aýrýhanasyna Tuzdybastaý aýylynyń 1967 jyly týǵan turǵyny aýyr hálde jetkizildi. Dárigerler zardap shegýshige «jabyq mı jaraqaty» degen dıagnoz qoıyp, jan saqtaý bólimine jatqyzǵan. О́kinishke qaraı, naýqas aýyr soqqydan alǵan jaraqattan ońalmady, - dedi Almaty oblysy ákiminiń baspasóz hatshysy Ǵalymurat Júkel.
Qazir quqyq qorǵaý organdary adam ólimine aparǵan janjal boıynsha qylmystyq is qozǵap, oqıǵaǵa kúdikti retinde Talǵar aýdanynyń 1969 jyly týǵan turǵynyn ustady. Ýaqytsha ustaý ızolıatoryna qamalǵan azamatqa qatysty «Qylmystyq kodekstiń» 106 babynyń 3-bólimi negizinde sotqa deıingi tergeý amaly bastaldy.
Qalmahanbet MUQAMETQALI,
«Egemen Qazaqstan»
Almaty oblysy
