Qazirgi ýaqytta kúdiktige qatysty kisi óltirý, nekege májbúrleý jáne stalkıng faktileri boıynsha is qozǵalǵan.
Polısııanyń habarlaýynsha, eki márte júrgizilgen sot-psıhıatrııalyq saraptamanyń nátıjesinde kúdiktiniń psıhıkalyq aýytqýlary anyqtalǵan. Osyǵan baılanysty ol májbúrli emdeý mekemesine jiberilgen.
Al Nuraı Serikbaıdyń aǵasy Sultan Serikbaı kúdiktiniń kenetten «esinen aýysýy» jazadan qutylýdyń aılasy bolýy múmkin dep kúdiktenedi. Ol alǵashqy tekserý Shymkentte júrgizilip, qorytyndyda psıhıkalyq aýytqýy bar ekeni kórsetilgenin aıtty. Keıin Almatyda qaıta tekserý jasalyp, uqsas qorytyndy shyqqan. Onyń aıtýynsha, qazirgi tańda kúdiktiniń jaǵdaıynda sımýlıasııa belgileri baıqalady.
Nuraı Serikbaıdyń óliminen keıin polısııa basqarmasyna jańa basshy keldi
Sondaı-aq onyń aıtýynsha, kúdikti qazir Shymkentte emes, Talǵardaǵy psıhıatrııalyq ortalyqta em qabyldap jatyr.
Nuraı Serikbaıdyń isi «Asa qatygezdikpen kisi óltirý» babyna ózgertildi
Polısııa tarapynan jábirlenýshi tarappen turaqty baılanys ornatylǵany aıtyldy. Tergeý barysy boıynsha túsindirý jumystary júrgizilip, saraptama nátıjeleri men is boıynsha basqa da málimetter zań aıasynda jetkizilip otyr.
