Elbasy Nursultan Nazarbaevtyń «Uly Dalanyń jeti qyry» atty maqalasynyń aıasynda ashylǵan saıysqa elimizdiń túkpir-túkpirinen 25 kánig ańshy jınalyp, ıt júgirtip, qus saldy. «Jetisý», «Altaı», «Arqa», «Erenqabyrǵa», «Tarbaǵataı» ataýymen 5 topqa bólingen saıatshylar ózara dodaǵa tústi. Eki kúnge sozylǵan saıysta baıyrǵy ańshylardyń qyran qusty baptaý men tazy ıtti ań alýǵa úıretýge qatysty taǵylymdy áńgimeleri shertilip, ańshylar qosynda as daıyndaý sııaqty ejelgi dástúrlerge kezek berildi. Al qus salyp, ıt júgúgirtip ańǵa shyǵýdyń qyzyǵy tiptep keremet boldy. Saıystyń ekinshi kúni taý arasynan ań qaǵý boıynsha ótken komandalyq jarysta «Arqanyń» toby 1 túlki, 1 qoıan aýlasa, «Jetisý» toby 3 qoıan, men 3 qyrǵaýyl ustap oljaly qaıtty.
Jeńimpazdarǵa «Qyran» federasııasynyń atqarýshy dırektory Baǵdat Múptekeqyzy arnaıy júlde tabys etti. «Salbýryn-2019» saıysyna qatysyp, jas býynǵa maǵynaly ágime aıtyp, dástúrli ónerden dáris bergen baıyrǵy búrkitshiler Maǵazyl Májiken, Murat Uzaqov, Túseı Ábdikeri aqsaqaldardyń ıyǵyna shapan jaýyp, iltıpat tanytty. Al saıystyń bıylǵy jeńimpazy «Jetisý» komandasy boldy. Ol topqa arnaıy kýbok tabystaldy. jeńimpaz dep tanylyp, kýbok tabystaldy. Ekinshi oryn «Arqa» komandasyna, úshinshi oryn «Altaı» tobyna buıyrdy.
Qalmahanbet MUQAMETQALI,
«Egemen Qazaqstan»
Almaty oblysy
